Malaysia ah numei bekin ahawltheih Taxi Service khat kipanthak

Malaysia ah numei bekin ahawltheih Taxi Service khat kipanthak

Numei te ki nopnehbawl in, alawm agual te leh meltheih tanau te’n khuasung avak uh ciangin Public Transportation tungah hamsatna atuahvai te azakzak ciangin Denise Tan kci nupi khatin ama hanciamna tawh athakkhat sepding hongkipan hi. Tuapen “Rinding Pink” kici “Women Transportation Platform Service” hi a, Malaysia gamsung ah numei tebek in ahawlding Taxi Service thakkhat ahihi. Passengers zong numeibek deihzaw uh cihi.

Malaysia gamsung ahzong hihbangdan numei te bek in ahawltheih Taxi Service omngei nailo hi.

Public Transportation tungpanin ameltheih numei te’n damiah tuak cihzong zakha zelzel hi. Tuaban ah alawm te pawlkhat in Taxi Booking bawlna panin Taxi Driver te’n a Phone Number uh kemsuak in, pawlkhat phone sungpan in kiphinzel cihzong zakha zelzel hi.

Tuabangteng hangin hih “Riding Pink” kici numei tebek in ahawlding Taxi Service pen patkhiatding ngaihsutna aneikhia ahihlam Denise Tan in Interview khatah genkhia hi. Tuaban ah hih Riding Pink hangin numei tampi in nasep neituamding cihzong alam etna genkhia hi.

Denise Tan kici hih Riding Pink hongpankhia nupinu pen kum 30 bek hipan hi. Amahzong innnupi, naukeem kawmmah hi a, amah bangdan in innnupi te’n nasep aneihtheih nadingzong ageelsak ahihi. Innnupi tepen nasep hunbit Full Time taktak in asep ciangin innsung nasep te bangmah semkawm manlo, naungek neite phadiak in Full Time nasepding taktakpen lemlo ahih manin, tuabangdan te adingin hih Taxi Service apankhia cihi.

Abeisa September kha akipan Facebook tungtawn in numei mawtaw hawlding zonkipan a, ki lunglut mahmah cihi.

Riding Pink Taxi Service pen October 10 ni in Official in kipanta hi. Athu ala acingzaw in hih website http://www.ridingpink.com paninzong ki simthei dinghi. Numei naupang adingin amuanhuaizaw dingin aki vaihawm ahih manin, Malaysia gamsung aom te’nzong hihthu theihhuai cihtawh hong suaksak kahi uhhi.

More: China in gamdang galphual kibawlbeh loding hi ci

Malaysia gamsung ah meileng zong numei tebek atuantheihna tuamneih uh a, tu’n Taxi zong numei tebek hawltheih, tuantheih dingin athak khat hongkipankhia uh ahihi. ZD Sawltak #zomidaily