Malaysia ah mittaw khat ATM sumsuahna pan khemthuak

Malaysia ah mittaw khat ATM sumsuahna pan khemthuak

Malaysia, Johor Baru ah mittaw khuamulo khatin ATM panin sum suahding in midangkhat acialleh tuapa in asumteng laksakcih Sin Chew Daily pan kiza hi. Hih mittaw khuamulopa pen kum 48 a phakhinkhat ahihi.

Hih mittawpa minpen Mr. Yu hi a, September 30 ni zingsang 7am hunpawl in Bank ah asum neihsun suahdingin apai ahihi. ATM ah sumsuahding in kigual a, amahun atunciang in agei aom mikhat kiangah ka Bank sungah sum bangzah omhiam cih hong Check sak in ci’n huhna ngen hi.

Tuapa in zong ATM Card guansak in Check sak a, RM1104 om hi ci’n genkik hi. Tua ahihleh RM1050 hong suahkhiat sak in ci’n mittawpa in tuapa kiangah huhna ngen hi.

Tuapa inzong asum alak khitciang in tua mittawpa kiangah ATM set kisia ahih manin, asum ki suahthei kei ci’n genkik a, tuapa pen paikhia vingveng hi.

Tuakhit ciangin mittawpa inzong midang khat kiangah kasum hong suahsak in ci’n huhna a ngetleuleu leh tuapa in na ATM Card sungpan sum ki suahkhin hi, asungah Balance bangmah omnawnlo cih agen ciangin mittawpa inzong lamdang samahmah hi.

Hihbang in mittaw khuamulo khattung ah zawhthawh thutawh akibawlpa khiasia ngeungau mahmah cihi. Hih sumte pen kumpi huhna tawh ama ii Bank Account sungah aki thunsakzel hi a, akisap neklehdawn leiding in asum neihsun asuahkhiatsawm ahihi.

Hihbang in mittaw khuamulo tungah gamtat lohding in Newspaper te tungtawn in mittawpa in mipi tungah thuhilhna lehneihzawk bilbel a, tulaitakbel huhna kisamkeng, inn ah khakhatsung kanektawmding neilaisam ing ci’n genkhia cihi. Khabei kikleh kumpi tungpan huhna hongpiakikding uh ahih manin, nungtasuak liamliamthei samning ci’n genkhia cihi.

Malaysia bel Malaysia “sia” himawk ahih manin, asia himawk mah ei. Malayhoih hileh hoihmahding hiven. Mittaw tezong kidawm vetlodan himawk ei. ZD Sawltak #zomidaily