Malaysia gamsung ah IS migilo te apanpih mi 10 kiman

Malaysia gamsung ah IS migilo te apanpih mi 10 kiman

Malaysia’s Counter-terrorism Police Unit te’n agamsung ah migilo 10 mankhia uh cih CNA pan kiza hi. Tua akiman migilo 10 te lakah Filipino mi 7 leh Malaysian gammi 3 kihel uhhi. Tua akiman tepen Malaysia, Sabah panin Philippines leitawlam ah IS migilo te apaitheih nadingin ahuh apanpih uh kici hi.

Akiman mi 10 te lakah numeikhat kihel a, tukum January 24 panin February 06 kikal in akiman uhhi ci’n Police te’n Statement ah genkhia uhhi.

Malaysia’s Inspector-General of Police Mohamad Fuzi Harun in agenna ah hih akiman tepen Malaysia, Sabah State sungah Abu Sayyaf Group akici migilo tetawh Terror Cell akipatsawm hiding cihi.

Hihphual panin IS galkap te kikhol in, galsiamna Military Training zong sinsaksawm uh a, tuakhit ciangin Southern Philippines gamsung ah akhahkhiatsawm kici hi. Tuaban ah mailam ah Malaysia, Sabah sungahzong hihphualpi mahpan in ngongtatna Attack bawlsawm uh cihi.

Singapore Authorities te’nzong abeisa January 18 ni in Syria gamsung aom IS tetawh akipawlsawm, Syria gamsung azuatsawm IS galkap khat mankhia uh cihi. Tuapa pen Malaysia, Penang ah Lorry Driver nasep asemkhat hi a, kum 34 aphakhin khat cihi. Athu akanbeh dingin tuapa pen Johor Bahru aom Special Branch te kiangah February 02 ni in ki ap cihi.

More: Malaysia gamsung biakinn leh pawibawlna te ah Bomb asukkhapsawm IS migilo 3 kiman

Channel NewsAsia te genna ah tuapa minpen Muhammad Nur Hanief Abdul Jalil ci uh a, amahpen Changi Airfreight Centre ah midangte luttheih lohna Restricted Area te lutkhuan aneikhat hi in, Changi Airport sungah nasep asemkhat ci uhhi. Sawltak #zomidaily