Malaysia ah H5N1 Bird Flu vengzawta ahih manin aksa leh aktui te nekkik ngamhuai ta

Malaysia ah H5N1 Bird Flu vengzawta ahih manin aksa leh aktui te nekkik ngamhuai ta

Malaysia Kelantan State sungah abeisa hunsung in H5N1 Bird Flu natna ki mukhia in, ak leh vatawt tampi ki thatlum in ki siansuah hi. Hih H5N1 Bird Flu natna pen Veterinary Services Department te’n a etcik gige uh hi a, tuciangciang akpul natna leh H5N1 Bird Flu te ombeh nawnlo cih Bernama pan kiza hi.

Malaysia gamsung ah H5N1 Bird Flu natna aki muhkhiatna pen Kelantan State sung hiphadiak a, thunei te’n avensiang sitsetdong in etcikna neilaiding uh a, beisiang taktakta cihciang in tangkona neikikding uhhi.

Agriculture and Agro-based Industry Minister, Datuk Seri Ahmad Shabery Cheek in agenkhiatna ah hih H5N1 Bird Flu natna pen apianna munte panin adang muntuamtuam ah akilawhloh nadingin lampi te kikhakcip in kisitden a, H5N1 Bird Flu natna angahsa ak leh vatawt, vasa namte “Poultry” khempeuhzong ki thahlupin ki siansuah hi ci’n genkhia hi.

Pasian tungah lungdamlua hang, tuciangciang Standard Operating Procedure (SOP) tawh aki sitciandenpen H5N1 Bird Flu natna ki muhbehlo hi ci’n lungdamlua in genkhia hi. H5N1 Bird Flu natna beisiang taktakta hi cih genkhiatding sawtnawnlo khading hi. Kelantan State sungah “Free of Bird Flu” cih genkhiatding naimahmahta hi ci’n genkhia hi.

Ahmad Shabery in agenbehna ah tuni ciangciang H5N1 Outbreak aom khitzawh ak leh vasa nam limlim aki thahlum, aki siansuah pen 37,862 bang phakhin ci a, aktui zong 15,450 bang ki paikhin cihi. Mundang State tuamtuam te ah akilawh khakding ki patau ahih manin aki siansuah pahpah ahihi.

More: A theihhuai Nattun natna (Influenza, Flu, Tot-kuae) ~ Dr. Thangboi

Government in nektheih taktheih tepen Quality neitak inleh lungmuaihuai takin nektheihding hanciam mahmah uh cih kiza hi. ZD Sawltak #zomidaily