“Malacca” cih laimalgawm kizang nawnloding a, “Melaka” bek kizang tading

Malaysia gamsung aom State minthangkhat ahi “Melaka” State pen Manglai in aki gelhciangin “Malacca” ci’n kigelh tawntungzaw hi.

Tuabang in akizat pen Melaka State Government in diksalo uh ahih manin, tuni Wednesday ni akipan Melaka State Executive Council in “Malacca” cih laimalgawm pen ki zangnawnlo dinga, “Melaka” cihbek kizang tading hi ci’n pulakkhia uhhi.

Newspapers hitaleh Media tuamtuam ah akigelh ciangin “Melaka” ci’n gelhkulding hi. English tawh ahi zongin Bahasa Malaysia tawh ahi zongin, adang kampau Language tuamtuam tawh akigelh zongin “Melaka” mah ci’n gelhtektek dinghi ci’n Melaka State Secretary Datuk Seri Naim Abu Bakar in genkhia hi.

Khuamin, State minpen atuamtuam in kigelh kawikawi ahih manin, tuapen agelh khempeuh in akibangin agelhding deihna ahihi. Laigelhna ah ahi zongin, Media khatpeuh ah pulakna ah ahi zonginn “Melaka” ci’n Standardise in gelhtekding kisam hi ci’n Statement ah khahkhia uhhi.

Adiakdiak in English tawh akigelh Media tuamtuam te ah “Malacca” ci’n kigelhnuam phadiak a, tuapen Malay laimalgawm tawh kibanglodeuh citciat hi.

Melaka khuapi pen UNESCO te’nzong 2008 kumin “World Heritage City” ci’n aciapteh khit uh ahihi. Tangtawn khuapi, mun thupi khat in aki ciamteh hi a, nisim in gamdangmi Foreigner Tourists tampi aphual ah hawhden uhhi.

Related: Malaysia, Malacca State sungah khutdawhngen ki khamcip

Hih atung a Photo penzong Melaka mualdawn ah akilam “A’Famosa Fort” akici 16th Century hunlaipek in Portuguese te lam kulhpi ahihi. Hih kulpi sungah misiangtho St. Francis Xavier ii aluanghawm tawmvei kikoih ngei kici a, tudong in ahanmun ki entheilai hi. ZD Sawltak #zomidaily