Makaite kiphunsan – a zadahte tawp huai

Makaite kiphunsan – a zadahte tawp huai

Makai kiphunsan pen zakdah leh hehngawh ding in ngaihsun kei leng hoihsa ing. Tuabang mah in eiteng keek makai sem lehang zong ong kiphunsan kanlai ding hi .. cih zong kigen ki-remind kullo in theihsa in nei lehang.

Makai kiphunsan loh hun cihbang leitung ah om ngeilo hi. Makai picing lua kisa Pasian tawh maitang kituah a kiho ngiatngiat, mite in a et theihloh zah a, a mai tàang a puan tawh a mai akhuh zawzen, makai kici khempeuh lak ah amah kan a a perfect zaw a om theilo ding, Mawsi nangawn a mipi in phunsan pahpah lai hi. Ei’ theihkhak, a kiciamteh pen phunsanna nasia lua teng bek hi a, tualo kawmkal ah a phunsan neknek nak tam mahmah lai khading hi.

Ei’ ading in “phunsanna” pen a hoihzaw ding a lamlahna leh a luanglet khalo ding a a control hi… ci a i sansiam ding thupi zaw inteh. Ong kiphunsan i phawk zah in, tua ong phunsante’ ong pahtakna om sunsunte zong i phawk, recognize ding kisam zawtham ding hi. Ong phunsan khempeuh gal a i neihsawm leh i gal ding tamlua ding hi.

Tuaban ah makai phunsan khempeuh makai langpan a, makai ut, makai panmun a tuhkhia nuam hikhin zenzen lo hi. A tuhkhia nuam leh a langpan a sa makaite pen ama’ makai hihna a responsibility theilo a, amah le amah thupi leetlaat a kisa, mikhempeuh in zong thupi a sa lua mahmah leh a eng lua mahmah ding asate hizaw kha ding hi. Mikhempeuh makai ut hetlo a, ahih hang makai utlo khempeuh a hoih deihlo leh a awlmawh lo hilo zel hi.

A tawpna ah tuabang a makai madawk panmun lak ciang a phunsanna zakdah pen ei le ei man kisak luatna, a perfect bang dan a kingaihsut mawkmawkna namkhat hi in, makai madawk ding a qualify lohna, picin zawhlohna ahihman in omna mun akhial hizaw ding hi. Makai sem kei leh hoihzaw ding hi.

Mihing pen a lom om, a kilomthuah nam hihang a, tuabang a kilomthuahna ah a makai deuh, a madawk deuh, a thuvaan deuh, a thuzeek deuh a om ngeina ahihman in, a qualify taktakte mah in ong makaih ding bel a lunggulh huai hi.

Zomite Nam leh Gam vai a i kisap

Zomite nakpitak kipuah a transformation i thupi ngaihsut kei leh a tawpna ah phot zawhloh zah in ei le ei kipal kha in tuk ding hi hang.

A beisa a i zia i tong in ong tunpihna, Tu lian laitak i dinmun limtak encian lehang…

• – Mipi khemna a i zat, ( cih taktak ahi lo ) policy … Center-leftism ( equality, freedom )
• – Mipi makaih zia ding hanciamna – extreme left – dictatorship, ukcip talkaih
• – tua kimakaihna ii a ngim a tup – extreme right – gamh kiluah a lalna tawh angmasuan, monarchy, nepotism.
• – tu a i tunna mun.. anarchy – a state of disorder, kithusim nawnlo, thusim theih a zong om nawnlo kimakaihna.

Puah theih nawnloh zah a i luanglet ma in kipuah sawm mahmah leng hoih ding hi.

“Transformation from inside out” kisam hang. I lungsim puakzia pan kikhel i sawm kei leh superficial change, a puatham kilaihna in a masa leh a nunung, a kik bangmah kilamdang tuanlo lai lel ding a, siatna kibehlap leh zungthuk khasak zawlai lel ding hi. Pau Khat Suan