Lungngai kawmin, thala khawm ni ~ David Tuang

Lungngai kawmin, thala khawm ni ~ David Tuang

• I gen ma-in ngaihsun masa in, i ngaihsutna khempeuh genkhia kei ni.

• I khialh ma-in kikem/kidal khol in, i khialh khit ciangin kisikkik thei ni.

• A khial thei vive hi hang, a khiallo thei ihih lam zong mangngilh kei ni.

• I kicin’na sangin, i kicin’ lohna tam zaw den hi. Mi hawmthawhthawh se kei ni.

• Hong kipahtawi leh a ut tek hi hang, midangte zong pahtawi siam ni.

• Hong kigensiat ding a ut lo tek hi hang, gensiatna hawmkhia khia kei ni.

• Pawlpi tuamtuam tek i neih zenzen hangin, Jesu Khris sungah pumkhat ihih lam mangngilh kei ni.

• Lungkham haksatna tampi om kha mah ding hi. Lungkia kei ni. Na khempeuhte’ tungah thunei Pasian aneite hi hang. Amah beel ni.

• Tawntung sihna Hell ut loin, Vantunggam atung nuam tek hi hang. Lampi dang tawn se kei ni. Jesu Khris khat bekin Pa’ kiang tun na’ng lampi hi. Amah umin sang lel ni.

• Leitung khua hun paiziate i et ciangin, Lai Siangtho genkholh thute hong tangtung deudeu ta hi. Jesu Khris Gumpa leh Topa in ka sang takpi mah hiam, tua Jesu ka nei takpi mah hiam, ci-in ei-le-ei kisit telin a kigingsa in om den ni.

Itna leh deihsakna lianpi tawh Khazih sungah,
David Tuang