Lungneu kei in, Hun omlai hi

Lungneu kei in, Hun omlai hi

Tuni mi siambang, mi septheih bang in a semthei nawnlo dingin na ki ngahsun kha hiam? Siamna nei kisalo, hauhna nei kisalo, … na hihhangin lungneu kei in. Hun omlai hi. Na deihna khat a’dingin a ki lawmzah Hun na piaknakleh a hun a cinciang na deih na ngah ding hi.

Gtn: 1. guitar siam nuam. tu’n nang guitar mek thei vetlo. mek lecin na kut nasa lua. mi a siamsa te na et ciangh na lungneu liangh. Ahizong phamawhlo hi.

Na deihtaktak leh guitar na siamna dingin Hun pia in. Nikhat nai 1-2 hun pia in. Hong Kamciam ngam ingh- a hun cinciang na siampelmawh ding hi.

2. Computer siam nuam maw? Lungneu nai ken. A siamthelo ding na hikei aa, na Hunpiak a tawmlua lai a hihi. Nikhat nai 1-2 hun pailecin a sawtlo in etlohsa in na sualmang thei lel ding hi.

3. Laigelh na uk hiam? Tua dingin ki sin in. Hun pia in. Lapphauksiam ut maw? La phuakna in na hun zangin. A masa bel a haksa mah hi. A masa in bel siampah kei nihteh. Lungkia kei inla khawlkik kei peuhlecin na lawhcing ding hi.

Bawlung siam ut maw? ki neihsiam ut maw? limsuai siam ut maw, sumbawl siam ut maw? Sanggam! na ut na deih te a’dingin tuni na Hun khenkia ta in. Tuni ki pan in.

Na lawm ngaihtawh a senpyi nuam maw?, lawm ngaih a thak deihta maw? Na innkuan pihte ki itna khangsak nuam maw?…bangbang na ut zongin na Hun pia in. Lungneu kei in. A piangtheilo om kei. Hongpiang ding hi.

Na ut khat, na Deihna Khat a’dingin na Hun na piak mahbangin Pasian na Hun pia lecin na Deihna Khempeuh hong ki cing ding hi.

Tuni bang a’dingin na Hun tamzatpen na hiam? Tuapen na mailam ding hi ziau hi. Na Hun piaksiam in. Lungdam, Siamsin Library