Lungdam kohna: Melbourne ah hongnusia Pi Vung Khaw Niang

Lungdam kohna: Melbourne ah hongnusia Pi Vung Khaw Niang

Dear Zomi pih u leh nau, ka it mah mah uh ka nu Vung Khaw Niang (kum 89) pen Malaysia pan in 19 April, 2018 ni in ka u Lunbuah te innkuan tawh Melbourne khuapi hong tung uh aa, tua ni mah in Northern zato ah ki puak suak hi.

Gam thupi hong tun buangin hong dam ding cih ka lamet mah mah lai tak un, lamet na tawh hong ki leh bulh in, Ih theihsa ciat bang mah in 9th May, 2018 sun nai 12:45pm hun in van innpi ah hong ciahsan ta hi.

Ka Nu zato lup lai in mimal, innkuan leh pawlpi tuam tuam pan in vehna sum leh pai nek leh dawn banah thunget sak na hong nei khempeuh tungah lungdam mah mah ungh.

Ka Nu hong nusiat ni a ki pan a luang hawm hantan ni 14th May, 2018 ni dong ciang nitak sim in hehnep hun hong bawl pih MBCC pawlpi & AMEF pawlpi te tungah leh hehnem aa hong pai mimal kim tungah zongh lungdam mah mah ungh.

Ka Nu hun bawl sungin hanthot na hong pia Pasian mi zat siampi te leh lasak na tawh heh hong nem khempeuh tungah zongh lungdam mah mah ungh.

Ka Nu ki vui na ding han (Funeral) vai hong vaan pih a kua ma peuh tungah zongh lungdam mah mah ungh.

Tuni tan ciang dong mah ka inn vuah hong pha ki tat sat nai lo aa, inn tuam tuam ah zongh an hong nek pih ki tatsat nai lo hi, tua teng khempeuh ban ah pai suk pai tohna ding a ki sam transport hong sepsak mimal kim tungah zongh lungdam mah mah ungh.

Paak kual hoih no no tawh hong uap mimal,innkuan leh pawlpi khempeuh tungah zongh lungdam mah mah ungh.

Ki pawlna tuam tuam pan dahpihna lai hong khak khempeuh tungah zongh lungdam mah mah ungh.

Ka Nu hun sung khempeuh ah innteek vai puak hong lak sak MBCC pawlpi Pastor Do Dal & Syama Thangi leh a ciang ciang ah a na buai pawlpi mimal kim tungah zongh lungdam mah mah ungh.

More: Lasiam Esther Cing San ii anu Pi Vung Khaw Niang in Australia ah hongnusia

A min gual suk leng pulaak khak loh peuh om thei mawk a hih man in, hong gual suk nawn kei mai ingh, ka nu tung taang aa hong sup lawh hong gimpih leh hong tawl pih u le nau mikim tungah ih biak vanglian Pa Pasian in, cidam na, daupai na leh lei thupha van thupha a dim let in hong buak suk ta hen cih ka thunget na uh hi.

Lungdam na lianpi tawh,

Ka Nu hong nusiat innkuan pih teng ai tangin,

Melody Sen Gualnam
Melbourne