Lungdam kohna (Pi Niang Man Cing & Nu Dim Khan Vung)

Lungdam kohna (Pi Niang Man Cing & Nu Dim Khan Vung)

Leitung mun tuamtuam aa om meltheih, sanggam u le nau,

Ka nu (Pi Niang Man Cing) leh ka u (Nu Dim Khan Vung)te’ hong nusia’tna uh huhau-in, leitung gam tuamtuam pan phone, email, face book pan hi ta leh sum le paai mahmah hong khak teitai-te, Tulsa, OK, USA leh Portland, OR, USA ah dahpihna, thungetna hong neihsak khempeuh, sum le paai, neektheih dawn theih aa kipan, pumpi mahmah tawh hong pai aa thungetna tawh tha hong pia khempeuh, Kawlgam sak le khang mun tuamtuam pan aa sigal ding aa hong pai tanau 70 val teng leh Tedim, Lawibual aa pawlpi tuamtuam pan hi ta leh Kawlpi Leipi Tuiphum pawlpi leh pawlpi tuamtuam pan aa vai hong dinpih, hong gimpih khempeuh tungah ko a nungta lai a tu a tateteng taangin, lungdamna hong ko nuam ung.

A min-in gelh ding hi le’ng, ka mangngilh uh om kha thei ding ahih manin hong gelh nawn kei ung. Kote’ dahna pan Khamuanna, lungdaihan n’ong ngahsak uh ka lungdamna uh, kam aa gen zawh ding hi lo aa, ko’ k’ong thuhzawh ding uh ahi lo, thupha namkim, ih biak a nungta Topa Pasian in note’ tungah hong tungsak ta hen cih k’ong thupha piakkikna uh ahi hi.

Lungdam mahmah ung.
N’ong it uh, a innkuanpihteng taangin,
Haukhek (Man Ngaih Hau) & Lian Thang (Nang Lian Thang)
Portland, OR, USA