Lungdam’ dan leh lungkham’ dan siamsawm ni

Lungdam’ dan leh lungkham’ dan siamsawm ni

Laizom sanggam teng,
Tu laitak Kawlgam sunga kiteelna tawh kisai in, Kawlgam mi khempeuh tawh akisai mahmah thu hi in , ilung himawh tek mahmah hi. I lungdamna zong omding a, ilungkhamna zong omding hi.

Ei theih zawh hibangin suakta takin kiteelna ineih theih manin lungdam huai thei mahmah hi.

Media te thudotte:
1. Thein Sein.
2. Thura Shweman.
3. Ming Aung Hlai.
4. Sai Mauk Kham ,ten zong adawnna uh i ngaikha ciat a, thangah huai kasa phot phot hi, Lungsim siangtho tak ahih nakleh.

1. Lungdam dan siam sawm ni:

A zenzen in ei deih lam in gualzawhna angah leh lungdam dan siam sawm ni, ilungdam luat manin midangte nasak luat ding kampau mukpau te kidawm siam ni. Kua ma tungah asia in gamta kampau kei ni, Topa tungah lungdamna ko siamni, midang te tungah zong lungdamna kosiamni. Imailam adingin Step masa ahih manin thathak lakna in zat sawm ciat ni. Kuamah lang muh kei ni. Zomi khat leh khat ikizopna limci sak semsem ni.

2. Lungkham dan siam sawm ni.

A zenzen in eideih lam in hongzawh kei leh kikha sia sak leh lungkia cihbangin omkei ni, Topa tungah thungen kawm in, mailam adingin thathak lasiamni. US gamsung bang ah kitel ciangin alel peuh in azote langpan lo in pawlbawl pah zaw uh ahih manin nasepdan nuam sa mahmah uh hi.Heh ngaihsut lo in tha lawp takin kalsuan sawm zaw ni.

3. Laisiangtho sungah ahun acin ciangin ci den hi:

Ih zawh leh ahun acing hiding a, izawh naikeileh ahun acing nailo hiding ahih manin anih in apuakdan siam sawm mahmah ni.

Mimal , innkuan leh khua cihte akipan kuamah kitel khial lo in itna tawh mainawt khawm siam ni.

Thungetsakna tawh,

Sia Pau Khai.
Zosiam Gospel Ministry.
Nov 8.