Luankhi nul-in tuunnu itna ”Nu aw hongit ing” (Korea gam thupiang)

Luankhi nul-in tuunnu itna ”Nu aw hongit ing” (Korea gam thupiang)

Boih…. thota o,nang sang paiding hilo maw? Ka nu aw kazak tak ciangin, ka mit nuai kawmin kawmtung a kisuang nai pi ka et leh kasang paiding azia ka luata nahi mawk hi.

Hey…hongphong hak siteh ci in aw tawl tawh ka nu ka tai phei hi. Keizong sang paiding ki thawi semsem in, ka man ciang inn pan ka puasuah lian leh ka nu aw ka za a, boih ho.. ann ne pak oo..ci in ka nu in hong khak phei lian leh ka lungsim sungah sanglap loh ding bekbek om ahih man in nenawn kei ning ci in sual tung ah kabua suk hi.(theih ding korea ah nailap loh pen dan nak piak mahmah uh hi).

Ka pai kawm sa in ka leh et vat leh ka nu in ann themteng atop thiamthiam lam ka mu hi. Sang tung in,class te zong hong ki panta, maikal sani ni pen picnic paiding hong ci ta uh hi. Kei zong ka ut mahmah hi.lawmte tawh ki mawl ding,zawnna te them vei mangngilh pak ding ci in ka lawp mahmah hi.

Ni tak sang tuak inn ka tun kik tak ciang in adam lo a a om ka nu in nui kawm sa in boih nang hong tungta maw ci in hong hopih hi. Ken ama hong hona dawng lo in, mai sani ni picnic pai ding sum hong pia o ka ci hi. Ka nu in bang zah bei ding hong ci a, ken tul 80 ka ci hi( theih ding korea ah sum in man nei lo).

Hong dong pha in tul 80 e boih hong ci a, he ka ci pah hi. Damdam in delhphah nuai pan in ban laibu hong la in hong pia hi. Ka et leh teng 10 na om mawk hi.hih zah nei in ka zat khak ngei loh pen ka heh mahmah hi. Tul 80 ka thoh khit tak ciang in ka leinop hong tam lua ahih manin ka thoh beh a, phone, puan, nik, ka sam khawng ka tang sak hi,ban ah bel tul 20 kim bek cian lai hi. Hi ni pen ka suah ka khan ah ka lungdam pen ni ahihi.

Ka deih teng ka lei khit tak ciang in inn ka ciah hi, ka ban laibu ka nu ka ap kik leh en zong en lo in dam tak in delhphah nuai ah koi kik hi. Picnic pai hun hong tung ahih man in ka pai khia ta hi. Nik hoih puan hoih tawh ka om lam ka lawm ten hong mu in, kei zong ka angtang mahmah hi. Lawmte tawh ki mawl in nuam tak in ni thum pen mang lang takin hong bei zau hi.

Ciah kik ding hi ta ka hih man in,ka tha hong dah peuh mah hi,bang hang hiam cih leh inn ah a dam lo zel ka nu mu ding,lung zin na bek tawh ki dim ka inn uh ci in ka ngaih sun thapai hi. Hun hong cing ta ahih man in ka ki khen ta uh hi. Ka inn ka tun ciang in nu aw kei hong tungta ka cih leh hong ki dawng peuh mah lo hi. Ni dang bang lo in inn sung sip cihtak in na sip hi. Ka nu ka et pheileh puan ki lukhuh in aci te vot cih tak in na vot hi.

Ka photphot hang in hong tho peuh mah lo in, nu aw hong en in ka cih hang in hong en peuhmah lo hi.kei zong kap in nu aw hi bang in gamta nawn kei ning,hong mai sak in ci in kap cihtakin ka kah lai tak in banlai bu sungpan lai dal khat hong kia in, hih lai ah ka nu in hi dan in lai na at hi.Kongit mahmah ka tanu awNang kei hong mudah hi lo na hiam?Zawnna zong mudah hi lo na hia, boih?Hongmai sak in maw,ken pilna nei lo, Ka ci zong dam lo ahih man in sum zong zolo hi ing.

Boih kong piak ding kong it na lo ngal bang mah nei kengI neih sunsun tawh ka ki bawl sang in boih nang zang le teh ka cih Man hi. kei na pai ta ing.. puan kawm teng pheklek le teh sum teng 20 om ding hi, kong khol saksakahimaw.

More: Nu Dim’ Nikhat Hunzat : Women’s Day 2012 Special

Hi teng ka sim khit ciang in, kei leh kei hai ki sa, khial ka ki sa mahmah hi. Nu aw ki mu thei lai ding hi leng maw. Kei i kong it na zong hong pia nuam ing. Ki ho thei lai leng cikmah a kong gen ngei loh hong gen ding hing veng” tua in nu aw hong it ing” nu leh pa hong dam pih lai in it siam ni. Lailek Sia Thangpi (Director of Edu. of PLSO) 4/5/2018|Phualva Lungtuak Media