Linux acih atomin banghiam?

Linux acih atomin banghiam?

Operating System tampi aom lakah ih Computer te ah ih zakdet phadiak pen Windows, Mac leh Linux ahihi. Microsoft Windows pen Personal Computer ah aki tamzatpen hi a, ei Zomi atamzaw inzong kitheipen khading hi. Mac OS X pen Apple Macintosh te neihsa hi-in, Graphic Design lamah adang OS te sangin zatnuamzaw kici hi. Atung atepen Windows leh Apple Company te in summet bawlna in a bawlkhiat uh hi a, sumpiak lohin Legal takin zatkhuan omlo hi.

Ei Zomi sungah ih tamzatluat nailoh leh ihzakngei pakpak nailohpen Linux ahihi. Linux pen Operating System picing khatmah hinapi’n, adangte tawh kibanglo in amawkna in suaktatak, Legal takin zattheih ahihi. Adang Windows leh Apple tepen anei Company te’n neihna ciding ihhiam Copyright aneiciat ahihi. Linux leuleu ciangin “Free and open-source software (F/OSS, FOSS)” hi-in, amawkna in suaktatak, Legal takin zattheih banah ih ut bangbangin mi piaksawntheih, hawmsawntheih hilai hi. Ihsiam natawh kizui-in a “Source Code” tezong puahphat, bawlphatding na ngawn akiphal hilai a, tuapen “GNU/Linux or a Linux-based GNU system” License ahihi.

Microsoft Windows ah Internet zatnadingin Internet Explorer apasa hi a, Apple Computer te ahzong Internet zatnading Safari ompah hi. Tuamah bangin Linux OS te atawmzaw ah Internet zatnadingin Mozilla Firefox kihel khinhi. Tuabanah Document tuamtuam bawlnadingin OpenOffice apa khinsa hi a, Photo tuamtuam Edit bawltheih nadingin GIMP Image Editor zong kihel pah hi. Tuatepen avekin Legal takin Free vive ahihi.

Hihzah in athupi amanpha OS pen Linus Torvalds in 1991 kumpanin ongbawlkhiat, ongpatkhiat ahihi. Linux pen adiakdiak in Europe gamah kilimzat mahmah a, Google Company inzong Linux OS bek zangding cih ihza ngeiding hi. Google te’n Linux OS khat ahi Ubuntu limzatuh ahih mannin, amau zatpen “Goobuntu” Linux zong kici hi. Google Company ah nasem 24,400 val aomlak ah alangval in Goobuntu bekbek zanguh kici hi.

Goobuntu pen Google Company sungbek ah azatuh hi a, November 19, 2009 ni-in Google in Linux-based Operating System azang ahi Google Chrome OS bawlkhiading ci-in tangkokhia uhhi. Microsoft Windows tebawlkhiat nunungpen ahi Windows 7 Operating System bangpen US$200 leh US$400 kikal mansak uhhi. Sum tampipi bei-in tuazahin atamman OS te ih leileisang, ih sepnop ih bawlnopte Linux in azawh nakleh banghangin Linux zanglello ihhiam cihnophuai mahmah hi. Khialhnate nongkuppih nadingun kongthuum hi. Lungdam. Sawltak #zomidaily

Theihding
Hihlai nasimma in amasa pen kongthumnop ah theihman leh telcianman in akigelh hipeuhmah lozaw a, Zomi sungah Zolai tawh simtheihding muhhamsa ahih manin aomding lunggulhman hizaw hi. Athuzong akicing athuthuk pi-in kigelh theilo a, aki phamawh phadiakte adingin a Basic zakngei sunsun ongki gelhkhia hizaw hi. Tua ahih manin gelhkhialh tampi omding a, akhiatna aki lehbulh, telkhialhzong tampi omkhathei dinghi. Tuabangin kisapnate thanemnate anuai ah Comment Box pan nong kuppihding uh kongzawn masa nuam hi.