Libya galkap te’n IS te hatna Sirte District lazota

Libya galkap te’n IS te hatna Sirte District lazota

Dec. 13, 2016: Libya galkap ten US ten tung lam panin a huhna uh tawh Dec. 6 in Libya gam-a Sirte khuapi sunga ISte hatna om sun district panin ISte hawl khia zo ta uh hi ci-in Libyan Armed Forces spokesman Rida Issa in pulak hi. Libya galkap ten Sirte khuapi ah ISte May kha pek panin a do uh hi ta a, Sirte khuapi-a Ghiza Bahriya kiim sungah ISte tawh kikaptuahna dai ta hi ci-in Reuters in pulak hi.

Spokesman Rida Issa in Misrata panin brigades kici galkapte makaihna tawh Misrata-led operation kinei a, Ghiza Bahriya kiim-a innte (buildings) leh kongzing lampite kisuansuah zo ta a, ahih hangin Sirte khuapi bup siansuah ding kisam lai hi ci hi. Libyan leh nitumna gamte ulian ten Sirte panin kido taktakna nasia lua om loin ISte kihemkhia uh hi ci uh hi.

IS ten Sirte khuapi pen 2015 in a lak uh hi a, tua khit nung Sirte pen Middle East sung adingin galphualpi in nei in, gamdang panin galkap tampi a lak lutte uh Iraq leh Syria ah galdo dingin sawl khia uh hi. IS ten Islamic thukham khauh mahmah tawh Sirte khuapi leh a kiim kigawmin 250 km (155 miles) sung uk uh hi.

Sirte panin ISte hawl khiatna dingin a makaih Misrata-led forces kicite pen UN in a gup Tripoli pansan kumpi tawh kipawl uh a, hih galkapte Aug. 1 in US in tung lam panin thuap uh a, Aug. 1 panin US ten tung lam panin ISte 495 vei kikap hi ci uh hi.

More: Syria galkap te’n Aleppo ah Rebels te ukna mun lakbeh

Behlapna:

Sirte lak kikna panin a suakta Issa in ISte guk bek in sihna tuak hi ci hi. ISte hatna om sun Sirte panin kikaptuahna om loin ISte kihemkhia hi cih pen a nuihzakhuai mahmah thu ahi hi. Trump in CIA sungah kipumkhatna om lo a, CIA ulian dingin Republicante mah ka guang ding hi ci hi. En khia lai ni. US ten Sirte panin Syria gam-a Palmyra lak kikna dingin ISte tawh kikaptuah se loin a sawl khiat uh ai tam? Source: Al Alarabiya/ Thang Khan Lian