UK, Leicester khuasung ah apuakkham omin, mi 6 liam

UK, Leicester khuasung ah apuakkham omin, mi 6 liam

UK gamsung Leicester City ah zanni Sunday ni in apuakkham khat oma, mi 6 liam cih Reuters pan kiza hi. Hih apuakkham pen Central English City sungaom Convenience Store khatah apuakkham hi ci’n Officials te’nzong genkhia uhhi.

British Police te genkhiatna ah hih apuakkham pen migilo Terrorism tetawh kizopna omloding hi ci’n genkhia uhhi. Photo leh Video pawlkhat Social Media tungah ki thehzakpah in, Leicester City sung apuakkhampen nasiattuak mahmah hi.

Police Force te’n hih kuamsung tengah Emergency Services te’n abuaipih mahmah laitak ahih manin, kuamah in hih kuamsungteng nanawkkha kei un ci’n genkhia uhhi.

Local Hospita khat ii genkhiatna ah aliamte lakah mi 2 tepen gimmahmah uh, Critical Condition hi a, adang mi 4 tepen phadawm zawdeuh uhhi ci’n genkhia hi.

Leicester Mercury Newspaper te genkhiatna ah hih apuakkham pen Convenience Store sungkhatpan hi a, hih apuakkhapna ii atung ahzong mi omna Flat tawh akizomsuak ahihi ci’n genkhia uhhi.

Video: Blast destroys shop and home in English city, 6 taken to hospital

Avengsung ah ateeng khatin agenkhiatna ah hih apuakkham agingpen ginngaih mahmah a, ki patau ngeingai mahmah hi ci’n genkhia hi.

Ka etkhiat uhciangin meikhu bekbek kimu a, tuazawh asawtlo in meikuang kimu zaizai hi ci’n genbeh hi. Leicester Mercury te genna ah hih puakkhapna hangin amai lamzikpi tungah ninthem bekbektawh kidim zihziah hi ci’n genkhia uhhi.

Ageinai aom innpawlkhat, Building pawlkhatzong kisia hi ci’n Police te’n genkhia hi.

More: London khuapi sungah galpinih hunlai in akikhiat apuakkham nailo Bomb khat kimu

Fire and Rescue Service te’n nitaklam 7pm hunpawl in Leicester City sung aom Building khatah apuakkham om ci’n hongkizasak cihi. Tuaciang in meiphelhding in Fire Engines 6 kidelhsakpah ci’n Spokeswoman khatin genkhia hi. Hihvai tawh kisai in kua gamtatna, bangci bangin puakkham cihte kumpi thunei te’n akanciansan laitak uh ahihi. Sawltak #zomidaily