Lebanon aom US Embassy maiah Jerusalem vai hangin lungphona kinei

Lebanon aom US Embassy maiah Jerusalem vai hangin lungphona kinei

US President Donald Trump in Jerusalem City pen Israel gam ii Capital khuapi in theihpihna apulakpen leitung gamtuamtuam aom Muslim te hehmahmah uhhi. Hih theihpihna tangkona hangin Middle East sung aom Lebanon gam, US Embassy maiah Sunday ni in lungphona mihonkhat in nei uh cih AFP pan kiza hi.

Lebanon, US Embassy maiah lungphona anei mipi tepen Security Forces te’n aki khenthang nadingun Tear Gas leh Water Cannon tawh kap uh cihi.

AFP Correspondent khatin agenna ah US Embassy maiah lungphona neiding in Palestinian tampi ki kaikhawm uh a, ahi zongin Embassy Area sungah alut theihloh nadingin Metal Gate Sealing kibawl cihi. Tuaban ah Security Forces te’n Tear Gas leh Water Cannon tawh mipi te aki khenthang nadingin galkap uh cihi.

Tuabang in Tear Gas leh Water Cannon tawh akikapna hangin mi honkhatzong liam uhhi ci’n AFP Correspondent in genkhia a, ahi zongin Security Forces te’n ahihleh bangmah genkhiatna neinuamlo uhhi.

Video: Angry protests outside US embassy in Lebanon

Embassy kuamsung ah lungphona anei te’n Palestinian leh Lebanese dialkhai “Flags” te lamziahziah uh a, President Donald Trump langpanna kammal vive awngziahziah uhhi.

More: Jerusalem pan Zomi Party Gualzawh Pawi lungdam pihna

Lungphona anei Demonstrators pawlkhatte’n President Donald Trump ii alim mihing ciacia in abawl uh pawlkhatzong meitawh halsak uhhi. Lungphona aneite lakah Palestinian Parties panin Member pawlkhat leh Lebanese Islamists pawlkhatzong kihel uh cih kiza hi. Sawltak #zomidaily