Mawtaw in lawi taihkha citciat in, mawtaw tungah kilawnto biabua

Mawtaw in lawi taihkha citciat in, mawtaw tungah kilawnto biabua

Malaysia, Perak State sungah innkuan mi 3 atuang mawtaw khat lametloh leh deihlohpipi in Passenger khat ki behlap seisai cih theStar pan kiza hi. Tua akibehlap Passenger pen mihing hilo a, ganhing lawi (buffalo) ahihi.

Hihvai tawh kisai in Police te genkhiatna ah innkuankhat mawtaw tuangkhawm in, Teluk Intan khuapanin Langkap khualam zuanin apai uh cihi.

Tuabangin akhualzin laitak in, Teluk Intan, KM12 Jalan Changkat Jong ah lawi khatin lamzikpi kantan hi. Mawtaw ahawlpa in tua lawi pen taihsakkha ahih manin, kilawnto a, mawtaw ii atungkhuh Sunroof tungah tusuklian citciat hi.

Hih tuahsiatna apianhun pen Friday (Dec 22) nitaklam hi a, tua lawi pen kilim taihkhaklua ahih manin, mawtaw tungah akiatsuk ciangin aphualmah ah sisuakpah cihi.

Hilir Perak OCPD Asst Comm Mohd Marzhuki Mohd Mokhtar in agenna ah hih tuahsiatna hangin mawtaw ahawlpa leh adang atuanpih mi 2 tetawh avekun liamna pawlkhat om cihi. Tua atuanpih te lakah khatpen kum 9 bek aphapan numeino khat ahihi.

Video: Buffalo hit by SUV and gets stuck in sunroof

Aliam innkuan mi 3 tepen Anson Bay Treatment Centre ah zatui bawlding in kipuakpah hi.

More: Lawigiat piannathu ~ Pu Zel Khup

Hih tuahsiatna apianlaitak in lamzikpi te bangmah siatna, nawngkaina omlo cihi. Ahi zongin tuahsiatna phualteng ah lampi meikhuam te hoihlo in, lamzikpi pen hoihtak kimu theilo in, lamkan in apai lawi pen ataihkha cihi. Sawltak #zomidaily