Laipil mahmah numeino khat gensiat limthuak mahmah sese

Laipil mahmah numeino khat gensiat limthuak mahmah sese

Malaysia gamsung ah SPM Exam acih uhpen athupi mahmah in aki ngaihsun khat ahihi. SPM ii a Long Form pen “Sijil Pelajaran Malaysia” hi a, Manglai in “Malaysian Certificate of Education” kici hi. Kawlgam hileh Tan 10 laivuan tawh kibangding a, US Education System hileh America’s K-12 tawh kikimding hi.

Nungdiak in SPM Exam panin Natasha Qisty Mohd Ridzuan akici numeino khatin Subject 9 aomlak ah avekin A+ vive ngahmawk a, siam kisa mahmah hi.

Ahi zongin hih numeino ii gualzawhna pen lungdampih sangsik in alanglam ah agensiasia honkhatmah omsese uhhi. (kuate sun uh hidinghiam?

Tuanu pen Negeri Sembilan State pan hi a, Tunku Kurshiah College (TKC) panin sang akah khat ahihi. A gualzawhna tungtawn in Reporters te’n Interview bawl uh a, tua Video pen Facebook ah akikoih ciangin kitheihthang Viral gawp hi.

Malaysian gammi pawlkhat in Mangpau azatzia alawhzia pen gamdang awkaihlua, Foreign Accent limzatlua, Bahasa Malaysia zong hoihtak in apautheihloh om cihmah agensiasia mah omcitciat hi. Tuaban ah Natasha pen SPM Result lading in apaipen Makeup ki limnuhlua, a Makeup sahsaklua acitawh ahoihlohna vive in amu pawlkhat om citciat hi.

Video na etnopleh: Natasha Qisty menggegarkan tulang rusuk lelaki. Pandai dan cantik

https://www.youtube.com/watch?v=LQV8dGjvhg4

Facebook User khat bangin SPM ah A+ vive angah hangin apilna pen pamaih, amawknapi hi. Pilna tawh nasep ngahlo khading hi. Ahi zongin amel tawh nasep ngahzaw khading hi cisan citciat hi.

Hihbangdan lungsim neileh Negative Comment akhelkhel in apianuamdiak pen eibek ihkisakleh namdangte zong na tuacilai vevemawk uhhi.

Ataktak in tuabang in ahoihlo in amuhteng uh lumlet uhhenla ahoihlam in mutheile uh nak lungkimhuai luamahmah hi.

Hih numeino pen lai pil keileh, Subject khempeuh A+ tawh gualhzawhna ngahlo hileh gensiat thuak hetloding hi. Gualzawhna angah ciangin gensiat athuakkha hipan hi. Hongki gensiatleh gualzawhna angah nahihlam kiphawk inla, lungdamzaw in. Singkung agahte bek in suangtawh denthuak kici hi.

Tuazahtawh lungsim limlangh cipak ni. ZD Sawltak #zomidaily