Kum zalom 21 ah’ Quotient namnga ngaihsang kul

Kum zalom 21 ah’ Quotient namnga ngaihsang kul

Thupatna: Leitung ah aomsa thu ahi Pasian bawl ahi a, Mipil Miciim, Miteei te bawl khiat, Nate, Kampau te, Lai gelhte, Aomdan te, aliim bawl te, Khuahun kiheizia zui in akilamdang te pilvang tak enkik sim kikkik ngaihsun kikkikna in mailam nunkhua lampi kong kihong sak ahihi.

Tuisik pan kipan Sih dong khualzin:

I pian na i nute sung pan kipan leitung nusia in hankhuk sung dong kikal nun khuasak hunsung khual zin lampaipai nungheilo ki leh kik ngei lo tawh akibang hi. Tua hunsung in eite bang ci ki om hiam cih leh Tui tawh ikibat hun om in Mittang bek om lingleng hun laitak in ki om in, ahih hang khuamuh theihna om nailo hi. Zan ni sang in tu ni kikhang hamzaw deuhdeuh ahi a, Zingciang in ki khang ham semsem zaw ding in mihing in akipiang ahihi.

Nang leh Nang mah Manager:

Leitung mihing te i khuasak na ah ei leh ei lungsim. pumpi ki heizia ding ngaihsut na zui in Manager kisem ahihi. Lungdam hun in kinui a, Dah hun ah aki kap hi in’ Heh suah hun ah aki hang kigilo mi kim in kinei hi. Hehsuah hun ah akihan theihna pen akumcing khinsa te ahihi.

Tua mahbang in ganhing te lak ah ui zong alungdam leh amei hong peileklek a, Aheh suah hun cing aha lii viavua in hong git ahihi. Alungdam thei miisi leh Khuai te zong bukhat, kuakhat ah khuasak na nei thei hi. Ganhing te khuak sung ah zong Manager om gige ahihi.

Tha neem na hong kihuh leh kinui zo hi.

Gam leh minam khat khansak na ding puahna ding kilap sang na ding te ah Khuasung kongzin te leh Khua phemei te, idawn ding tui siangtho te ei khua leh tui tha leh pilna , neihsa Sum leh paai in azawh loh hun ah hong kihuhna om kha mipi kipaak ,kilungdam in kinui ahihi.

Nuihdan zong atuamtuam om hi. Nui hiuhiau, Nui baba, simnuih , Lu leh liang kising nalhnalh liang in nui cih te hi a, Lungdam na nui aom bang in neu muhna nuihna zong om ahihi. Tua dan te in mipi te muhna ah nang mahmah khuasak dinmun na Mannager sepna hong lak khia khia ahihi. Tua te in abulpi hong kipat khiatna mun ( motivation) lungsim leh khuak sung ah nakoih sa leh aom sa sung pan hongluang khia hihi. Hong tawsawn hong thapiak na mun pan kipan hi.

Gam leh Minam zong Kizeem kipuah ngai.

Mihing te silh leh teen kizep kipuah zia ding zong athupi asang akhangto nuam te in veideuh uh hi. Kizeem kipuah cih ciang in Ei pumpi be hilo Innkuan sung kizeem kipuahna , Ikhua sung kizeem kipuahna, Igam sung kizeem kipuahna , Iminam sung kizeem kipuah na dong ah huam to ahihi.

Kizeem kipuah na pen kampau ah ki puahna, Ngeina hoih lam ah ki puahna’ Ngamtat hoihna lam ah ki puahna te hi a, mite a kipuah a kizeem hang in eite kihoih hilo ahihi. Tua man in minam dang te in amau kampau leh ngeina alai te, A minam leh agam te apuah uh hi a, ei te’n agal et bek tawh ei te minam kihoih zolo kipuah lo ahihi.

Hawm leh gelsiamna tawh te ah Gam leh Minam tungah , I khuasung ah, Ih innkuan sung ah, Nupa kikal ah, ei mau pumpi tung ah i lungsim leh ikhuak te ah hawm leh gel siam kul hi a, Cihtak na, Thu maana, Ahoih lam ah hahkatna in Manager nasep hoih suak sak ahihi.

Bangci nam te tawh Manager ei le ei kihoih dinghiam?

Manager nasep hoih khat isuah nading in Q namnga tawh kidim kul ahihi. Tua te in 1. Physical Quotient (PQ) 2. Intellectual Quotient (IQ) 3. Emotional Quotient (EQ) 4. Social Quotient ( SQ) 5. Cultural Quotient ( CQ) cih te ahihi.

Physical Quotient: Eimau ngaihsut na tawh ibawl sa isep sa, i gen khiat sa te tung tawn in thu khinkhai kik a hawm leh gel kipuah huai te kipuah in khialh na te bawl kik siam dikna in masuan khangkhat ading in mi manpha, Minam lian minam picing suah theih nading lam pi ki hong sak ahihi.

Intellectual Quotient : Zomi namsung ah hita leh mi namdang sung ah hita leh mipil miciim, misiam a om khin sate in vai hawmna te ah athugen te, ala phuah te, alai gelh khiat te, aliimsuih ,aliim bawl te uh adeih na kantel kik kik in khinkhai sak kikkik a, itel keileh dong in kantel kik na in ei te masuan ah inuntakna ading thuvai hawm na Manager theihna khangsak hi. Tua man in kipuah kizeep zia, ding et teh huai thu hoih tampi hong hilh khol hi.

Emotional Quotient: Amasa lam ah igen mahbang in Lungdam baih ki-it kilem baih , Ki muhdah ki hua baih, manlang tak in kidek kik zo, Kideek zo nawnlo leh kibawl pha kizo ding in inuntakna sung akisam mahmah thu ahihi. Gentehna in online ah comment piapia mite in zan nisang in tuni akum hamzaw khin hina pi’n ahetna agelh ngei comment ngei thukhat (or) lakhat’ liim kisuai khat tung ah alungsim koih teta a dinmun lungsim aki lamdang ngeilo ahihna kilang den sak suak ahihi. Tua zah val akhan khiat kik nading lam pi a mulo suakhi.

Social Quotient : Mihing te nuntak nading in nasep na, siamsin na, Nopna Dahna mun te ah minam tuamtuam tawh nasem khawm, sum zong khawm, An ki nekhawm diimdiam hi hang a, Tua te sung ah minam kibat pihloh hang in ilawm ding nasepna pan, Siamsin napan tampi hong om hi.

Tua mun san ah Biakna kibat pihloh ahi a, Nasep kibat pih ahi zong in nasep na vai ah kikam tamm na lo buang adang thu te ah ei aa tek ibuai pih ahihi. Biakna kibat pih ahih hang in ei minam tek ki gum a, Kibatpih loh ahih hang in Nasep pih mi namdang khat zong nasep tawh kisai in kigum nopna lungsim kinei ahihi. Tua te in Eite nuntak khuasak nading ikhuak leh lungtang kipawl khawm Manager nasep kipatna suak sak hi.

Thukhupna: Leitung Khat, Ni Khat,Khapi khat azang khawm thei ding Pasian in ei te leitung ah hongnungta sak ahih hang in Mun amual Kampau leh Ngeina Lai te zui in minam akhang ding leh atual kiakia ding amuntek ah Manager Quatient in panmun nei in thupi mahmah hi.

Cultural Quotient : Leitung ah ngeina cih pen namtam mahmah hi. Minam khat in ngeina nei cih ciang in Minam puansilh bek , Ngeina lasak leh laam bek tawh akicing hipeuhmah lo hi. Zomi sung ah zong Pi ding te pi in sapna Pu cih ding te Pu in sapna , Nopna Dahna ah khut leh khe in akizang Tanu, Thusa, Haitawi , Zawl/kizawl, Kilawmta te dong ah ngeina om kizopna ahihi. Mopina zong minam khat leh khat kibanglo ahih hang in amun tek ah mopi zia ngeina kinei tek ahihi.

Tua ahih man in minam ngeina te ah kuamah bangte kibang lo te ahihi. Ahih hang in Minam kibanglo mokipi kiteeng tuhun lam ciang aom te akinai thei pen leh alem theih in hunatun teh kilem tawmtawm ngeina zong om ahihi. Tua akilem tawmtawm ngeina mopi na in minam lian khat zuihsuak ding hilo tawmvei nupa khat in azat tawm ngeina ahihi. Hau Thang