Kum thak khat (Another Year) ~ Zam Khat Kham

Kum thak khat (Another Year) ~ Zam Khat Kham

Frances Ridley Havergal pen biakna la phuak minthangte’ lak ah tuni donga a min a kilo den khat ahi hi. “Topa Aw, Ka Nuntakna” (Take My Life And Let It Be) la-a kipan la ngaih tampi a phuak nu ahi hi. A pa William Henry Havergal (1793-1870) mahmah zong Pasian’ nasem khat hi a, laigelh siam, laphuak siam, la-aw phuak siam khat ahi hi. A sanggampa Henry East Havergal (1820-1875) zong Church of England pawlpi sunga priest khat hi a organ tum siam mahmah khat hi lai hi.

England gam Astley ah 1836 kum December kha 14 ni-a suak hi a a kum kum 15 a phak-a piangthak ahi hi. England gam bek hi lo-in Germany gam khawng ah zong pilna sin kawikawi-a Greek leh Hebrew kampaute siam mahmah-in Europe gam sunga pau nam tuamtuam zong siam hi. A khan sung a ci dam luat hun cih bang om ngei lo hi. La ngaih dawng tampi a phuah ban-ah laibu hoih bu 23 bang gelh hi.

A kum kum 42 a phak-in Wales gam Gower Peninsular a Caswell Bay gei ah peritonitis natna tawh si hi. Canada gam Toronto khuapi ah ama’ min tam-in college khat kiphuan-a Havergal College kici hi. Symphony 32 leh la tampi a phuak British classical composer William Brian (29 January 1876-28 November 1972) in Havergal a pahtawina-in a min Havergal Brian ci-in khel ngiat hi.

Kum thak tawh kisai ngaihsutna tuamtuamte la-a kiphuakte’ lak ah hih laphuak siam Frances Havergal’ phuah zong hoih ka sa hi. Na sim le cin tha na ngah hamtang ding hi kong ci ngam hi.

• Another year is dawning,
• Dear Father, let it be,
• In working or in waiting,
• Another year with thee.
• Another year of progress,
• Another year of praise,
• Another year of proving
• Thy presence all the days.
• Another year of mercies,
• Of faithfulness and grace,
• Another year of gladness,
• In the shining of thy face.
• Another year of leaning,
• Upon thy loving breast,
• Another year of trusting,
• Of quiet, happy rest.
• Another year of service,
• Of witness for thy love,
• Another year of training
• For holier work above.
• Another year is dawning,
• Dear Father, let it be,
• On earth, or else in heaven,
• Another year for thee.

Hih la (poem) hoih ka sakna a hang pen na khempeuh, a tupna leh a sawmna, a lawpna leh a lam-etna khempeuh Pasian’ ading bek ahih khit kiuhkeuhna ahi hi. Mimal khat ciat Pasian in kum thak ah hih bang tupna a nei thei dingin hong siam hen. Rev. Zam Khat Kham