Pata Accident tuakin Ambulance atunciang kum 6 aphapan atapa in kapa honmasa un ci

Pata Accident tuakin Ambulance atunciang kum 6 aphapan atapa in kapa honmasa un ci

China gamsung ah naupangno kum 6 aphapan khatleh apa Scooter Motorcycle khattawh avaklaitak un tuahsia uhhi. Ambulance Crew te atunciang in naupangno donmasaksawm uh a, ahi zongin tua kum 6 aphapan naupangno in kapa honkhia masa, donmasazaw un “Save my father first” ci’n genkhia cih SCMP pan kiza hi.

Tuaban in naupangno kum 6 bek aphapan khatin ama sangin apa aki donmasakding agenlaitak Video tawhzong ki Record kha ahih manin, amukha khempeuh in lamdang kisa in lungsim sukha mahmah hi.

China, Jiangxi Province, Xinyu khuasung ah hihte pata pen Scooter atuanlaitak un atuahsia ahihi. Motorcycle atuan laitak in lamgei meikhuam khat phukha in anihun kilawngawp a, lampi tungah lumdengdang uhhi ci’n Anhui TV te’n Saturday ni in genkhia uhhi.

Atuahsiat khitciangin ageinai ah apaikha Passer-by te’n Video Record bawlkha uh a, Internet tungah lawntopah uhhi.

Video sungah naupangno pen amaiteng sitawh kidim zihziah in atutlaitak ki muthei hi. Ahi zongin apa pen tanglo linglo in Scooter Motorcycle tawh tukkhawm uhhi.

Zato panin Ambulance atun ciangin khuasung mipi te’n naupangno omna lamah paipih uh a, Paramedics te’n naupangno adon masakding in gen uhhi.

Ahi zongin naupangno in amah aki hotkhiat masak sangin kapa kidon masazaw hen cihiaumawk a, lamdang kisa mahmah hi.

Naupangno leh atapa anih un zato ah kipuakkhawm a, asi kuamah omsamlo hi. Hospital ah Interview aki dotna khatzong Video ki khahkhia a, naupangno akidot ciangin “Kapa pen lampi tungah alum kamu a, vantung ah hong ciahsanta ahidiam ci’n kalung himawh hi. Tua ahih manin kapa amanlang in anuntakna aki hotkhiat masakding alunggulh kahihi” ci’n genkhia hi.

Naupangno pen alu Bandage tawh kituam himahleh sihlawh liangdingin bangmah liamna ahuaisiapi omlo cihi. Banghang in apa ki hotkhiatding lunggulh masa nahiam cih akidot ciangin “Because I love my father” cihsan ziau hi.

More: Ambulance leh mawtaw kitaihkha in, Motorcycle honkhatzong nawkgawp

Apa inzong hihbang tapa aneihpen kipak mahmah a, atuahsiat laitak in Ambulance atunciang Paramedics te kiangah apa ahotkhiat masakding katapa in agenzong kaza cihi. Ka lungsim hongvutkha mahmah hi. Ka tapa pen alungtang keisangin akhauhzaw dingin ka lamen khakei hi ci’n apa in genkhia hi. Sawltak #zomidaily