Kum 2 aphapan atapa amahleh amah kikaplumkha ahih manin apa kiman
USA, Texas State sungah papi khatin thau atang akithunsa in anhuanbuk sabuai tungah nusiakha hi. Tua thau pen atapa kum 2 bek aphapan khatin namukha citciat in, akimawlna panin amahleh amah kikapkha si cih Fox News pan kiza hi.
Thau anusiapa pen amin Eric Javier Morales kici a, awlmawhloh na hangin mi kithahna “negligent homicide” cihtawh thu kibawl in kimankhin hi ci’n Corpus Christi police officer Gena Pena in genkhia hi.
Police Officer ii genbehna ah hih naupang kum 2 aphapan pen Sunday zingsanglam in amahleh amah amaitang ah thautawh kikapkha in asi cihi. Thautawh akikapkhak laitak in apa pen inn ah omlo in avakkhiat laitak ahihi.
Atapa pen thautawh aki kapkhak khitciangin Christus Spohn Memorial Hospital ah kipuakpah a, tualai munah apa in athu azak ciangin delhsuakpah hi. Tuapan in apa zong palik te’n mansuakpah uhhi.
More: US Ohio State sung aom Night Club khatah thau kikapna piang in mi 1 si, 14 liam
US gamsung ah thau utbang in ki nopzat luadeuhhiam, thau tawh kikaplum, kikapkha cih kilimzak mahmah hi. ZD Sawltak #zomidaily
Comment piaknop aomleh...