Kum 15 mi bekin NASA te leh Pentagon te thusim Hack sak

Kum 15 mi bekin NASA te leh Pentagon te thusim Hack sak

Jan. 4, 2017: Kum 15 a phak in Jonathan James Defense in Threat Reduction Agency (DTRA) nasemte mi tuamtuam username leh passward zangin military computer tampi hack sak hi. Jonathan James in online panin c0mrade (with zero) zangin August 23, 1999, panin October 27, 1999 kikal system tuamtuam – BellSouth and the Miami-Dade school system kihel in hack sak hi. Tua loin US Defense Department nuai-a om DTRA nasemte messeges 3,000 hacksak hi.

Tua loin Jonathan James in NASAte’ International Space Station hack sak in sensitive information tampi guksak ahih manin NASA ten nipi kal thum sung a system khempeuh uh nasem loin khawlsak uh a, $41,000 suplawh liang uh hi kici hi.

Jonathan Joseph James pen December 12, 1983 in piang a, Pentagon leh NASAte sensitive information a hacksak lam a kitheih in kum 16 pha hi. Kum cing lo thukham palsat (juvenile offenders) leh cybercrime hi ci-in kiciamteh a, kum 18 cing nai lo ahih manin thongkia thei lo hi. Kum cing hi leh kum 10 thongkia thei ding hi napi-in kha guk sung bek house arrest in kikoih a, Department of Defense leh NASAte kiangah maisakna (apology) kingensak hi.

January 17, 2007 in zong Department of Defense-te computer system leh personal leh credit information zang million tampi TJX kici ten hack sak uh hi. TJX ten BJ’s Wholesale Club, Boston Market, Barnes & Noble, Sports Authority, Forever 21, DSW, OfficeMax leh Dave & Buster’s kicite computer system tampi hacksak kik leuleu uh a, TJX sunga makaipipa (ringleader) Albert Gonzalez millionaire suak liang hi.

TJX hackerte lakah James’ lawmte kihel ahih manin Secret Service ten James, James’ upa leh a James’ lawmngaihnu inn a buluhsak hangun bangmah mu lo uh a, James in TJXte tawh kipawlna bangmah ka nei kei hi ci hi.

More: IS te’n Iraq Police te Checkpoint suamsak in 7 that

Lungsim leh ngaihsutna ah kineungaihsutna (depression) nei ahih manin May 18, 2008 in a tal ah thau tawh kikaplum a, suicide note a nusiatna ah, “Justice system nasepna ka muang hi. Tu ni-a ka gamtatna pen mipi theih dingin message khauhzaw ka tangko nuam man hi a, TJX tawh kizopna bangmah ka nei kei hi. Kei tunga thupiang uk (control) zo lo ka hih manin ka uk zo kikna dingin hih bangin a gamta ka hi hi,” ci hi. Source: Clarion Project/ Thang Khan Lian