Kuang Lui ~ Zam Thuam

Kuang Lui ~ Zam Thuam

2020 kitelpi ah kua teng in kuang lui ding hiam cih kilunglut mahmah tek hi. Tua hileh kuang lui i cih pen bang hi ding hiam? Kawlgam ah kum nga sim in mee kuang luina hong om den ding hi ta hi.

Ni sim in kuang a lui den mi pawl khat om hi. Tuate pen mi tamna munah kimu thei hi. Khuhdawh ngente ahi hi. Amai uh ah kuang lui den in a vei te in a vei zahzah uh pia uh hi.

A kuang sungah a tam theithei a lutna dingin hanciam uh hi. Nang i piak deih keng ci in nial ngeilo hi. Nong piak kei hang phamawh kisa keng ci ngeilo uh hi. Kiphasak lo uh hi. Mi khut sungpan sut in a kuang sung koihlo hi. Adang khat ii kuang sungpan laksak guksak in ama kuang sung koihlo hi.

Kuang a lui mi namnih sungpan khutdawhngen te i gen khin hi. A khatzaw pen kitelna mee kuang lui te ahi hi. Khang masate in kuang lui cih kammal zangsak ahih manin mee kuang lui ding te in kuang lui cih kammal ii a khiatna theih kul ding hi.

Kuang lui le an lui kibang lo hi. Kuang pen hong kipiak nading in a kilui hi a an pen i piak dingin a kilui ahi hi.

2020 ciangin bang danin kuang a kilui tam maw…. Zam Thuam