Malaysia, Kota Damansara aom ansai khatah Gas bung puakkham

Malaysia, Kota Damansara aom ansai khatah Gas bung puakkham

Malaysia, Kota Damansara vengsung aom ansai Restaurant khatah Gas bung puakkham in, kongkhakteng ki hongkhia cih theStar pan kiza hi. Tuni Friday (October 27) zingsanglam 7am hunpawl in thupiang ahihi.

Hih Restaurant sungah Gas bung apuakkhap laitak pen zingsang ansai aki honma hibilbel hi. Aki honding nai khatleh alang akisap hunpawl in apuakkham ahih manin, ansai sungah Cusomters kuamah omnailo in, hih Gas bung puakkhapna hangin aliam kuamah omlo hi.

Selangor Fire and Rescue Department assistant director (operations) Mohd Sani Harul in agenkhiatna ah Gas Canister tawh akizom Pipe pen kehkhia hiding cihi. Tua Pipe panin Gas pusuak in, Restaurant sungteng ah Gas vive kikholkhol hiding in ki ummawh hi.

Tuahun laitak in ageinai aom Refrigerator panin meikuang mei eek “Spark” pusuakkhia in, tuatawh Restaurant sungteng akizelkhin Gas tawh meikuang kipan in apuakkham hiding hi ci’n thunei te’n genkhia hi.

Gas bung apuakkhap ciangin khauhmahmah a, Restaurant ii sikkongkhak Roller Shutters tezong ki hongkhia, ki leukhiagawp hi.

Tuaban ah Gas Cylinder tezong meikuang kipan a, ahi zongin ahunlap in meiphelhna “Fire Extinguisher” tetawh kiphelhman ahih manin, apuakkhambeh omlo bilbel hi.

Related: India, Bangalore City ah Gas bung puakkham in inn kicim, mi 6 si

Gas bung “Gas Cylinder” te panin apuakkham cih thuthang pen ki nawhzak simpian mahmah hi. Gas bung pen anhuan nading in kilimzat mahmah ahih manin, azatzia zong kidop theihding thupiding hi. Gas bung leh thuk akizopna Pipe khaute aluiluat, angot lehzong laihpahpahding thupi dinghi. Ahi theihleh Gas bungpen innsung huihlutmello, abitcipna mun cihte ah koihsangin, innpualam huihngahna munte ah kikoihleh hoihtuakzaw hi. Gas akeh aomphial zongin lauhuailo zawding hi. Sawltak #zomidaily