Malaysia, Kota Baru aom Methodist Christian biakinn leh Hindu Temple ah Petrol Bomb kilot

Malaysia, Kota Baru aom Methodist Christian biakinn leh Hindu Temple ah Petrol Bomb kilot

Malaysia, Kota Baru aom Methodist Christian te kikhopna biakinn khatleh Hindu Temple khatah Petrol Bomb kilot cih State Police te’n genkhia uhhi.

Hihvai tawh kisai in palik thuneipipa ahi Kelantan police chief Datuk Hasanuddin Hassan in agenkhiatna ah Saturday zankim “Midnight” hunpawl in thupiang cihi.

Tua Methodist Christian biakinn leh Hindu Temple tepen Jalan Hamzah lamzikpi tung aom ahihi. Mikhat in Sultan Yahya Petra Bridge kici lei tungpanin vankhat lotsuk a, tuapen Petrol Bomb hiding in ki ummawh hi ci’n palik thuneipa in genkhia hi.

Tua alotsuk Petrol Bomb pen Methodist Christian biakinn ii dawlnihna “Second Floor” ah kitamzai in, athemneng teng ki thehzak gawp hi. Hindu Temple ii amailam alutna Entrance tengahzong thawlkitam thengneng hongkhat kimu cihi.

Methodist Church ah nasem khat ii genna ah inntunglam Upper Floor Building sungah apuakkham kaza ci a, tuapan in aki theikhia masa cihi.

Police te’n agenkhiatna ah tua Petrol Bomb pen lei tungpanin aki lotsuk hiding ci a, Methodist Christian biakinn ii tawlet “Window” tezong kitam in, Hindu Temple maidong ah athemneng akimu ahihi. Tua Petrol Bomb tepen Nissan Livina mawtaw tungpan in aki lotsuk hi ci’n Bernama te’nzong genkhia uhhi.

Hindu Temple akici pen amin “Subramaniyar Temple” hi a, Methodist Christian Church tawh akizom in aom ahihi. Tua Nissan Livina mawtaw tungpan mahin Petrol Bomb aki lotsuk hiding in ki ummawh cihi.

More: Indonesia gamsung aom ‘Myanmar Embassy’ sungah meikuang kilot

Tuabang in Petrol Bomb alonpa pen aki kanciansan laitak hi a, hihthu tawh kisai in atheikha te’n amanlang in Police te kiangah hong zasak un. Biakpiakna munte ah nawngkaisakna “Section 295 of the Penal Code” thukhun tawh thu kibawl hi ci’n Police Chief in genkhia hi. Sawltak #zomidaily