Koi deihzaw, Vote kua piading nahiam sanggam?

Koi deihzaw, Vote kua piading nahiam sanggam?

Obama leh Democrats ten “Change We Believe”, Change” “Yes We Can” ci-in a otot hangun minam kideinna leh mivomte bawlsiatna nasia semsem a, hih thu ah bawlsiatna thuakte gum ngam loin “Yes We Can” ci-a mot otot pa leh a party ten “Black Lives Matters” kicite kiangah “Be Patient, We can not change the situation in (my) two terms…May be not even in our lifetime” (thuakzawhna leh lungduaina tawh doh zo keiikaii un, (ka) term nih sungin bangmah kilaih vat thei/zo lo ding a, i nuntak sungin zong kilaih zo/thei lo ding hi) ci ta zen hi.

A mipih mivomte nangawn it zo lo pa leh amah leh a party ten ei Zomite hong khual in, hong it dingin lametna nei lailai teng dum sungah tuak zaw le uh cin vai siang/veng baih zaw lai kha ding hi. Term nih a let sungun US in leibat trillion tampi (national debt) a neih pen $ 19,813,427,800,000, debt per citizen $ 60,990, tax payer debt $ 165,879 hi a, kumpi leibat pen mitphial kal/second sim inkhang ziahziah hi. Na up kei leh hih link panin na en in http://www.usdebtclock.org/

Term nih sung Democrats ten na len a, Zomite gambeel bangzah amau hun sungin lut beh thei a? Republicans Bush hun in bangzah lut thei na hi uh hiam? Democrats ten term nih a let sungun neih kibang kiteen’na deih pawl, naungek suksiat deih pawl, Islamic ngongtatte pawl hong maingal mahmah in, hong tuitum mahmah uh hi. Thu-ummi ahi lo ten ulian zaa tam len tektek uh a, Democrats candidate Hillary in tua hun sa nai loin tua bangte pawl a deih teng tawh mapang khawm in, a hatzaw sem ding ngimna leh geelna ngian bulom teng tawh “Stronger Together” cih tangkopih lailai hi.

America gam liansak kik ni, White House ah Pasian puak kik ni – “Make America Great Again” “Bring Back God To White House” ci-in Republicans candidate Trump in tangkopih hi.

US gam-a vote nei ten “America liansak kik ding, White House ah Pasian puak kik ding” deih zaw maw? Ahih kei leh US gam “Neih kibangte ong muang ung” (IN GAY WE TRUST) suaksak nuam zaw maw? Vote khat bek zong vanglian mahmah a, vote khat bek hangin zong guahguahna ngah theih a, cin’ theih hi. Na vote piak ding ciangin lim takin lungngai dide masa in US gammi hihna nei leh vote nei kong it Zomite aw.

More: Opinion: A lunglut huai Zogam MP Candicate te ~ Pu Go Sawm Khup

“Kua mah in zuau genna tawh lawhcin’na ding lungsim hat nei den zo lo hi” – Republicans US President 16na Abraham Lincoln (US gam-a Sal-a kineihna a beisakpa)

“Mi khem zawhna tawh gualzawhna na ngah hangin na khem zawhte a hai sa kha kei in. Tua na khem zawh ten na hih theih loh ding pi leh na ngah dinga kilawm lopi nangawn nang tungah lametna bek nei uh hi cih mangngilh kha kei in”. Thang Khan Lian