Malaysia, Klang vengsung aom Nurse khat ii mawtaw tungah Bomb kikoihsak

Malaysia, Klang vengsung aom Nurse khat ii mawtaw tungah Bomb kikoihsak

Malaysia, Klang vengsung ah Nurse asem numei kum 27 aphakhin khat ama mawtaw sungah Bomb kikoihsak cih theStar pan kiza hi. Selangor CID chief Senior Asst Comm Fadzil Ahmat ii genkhiatna ah Klang, Kapar sungah Nurse khatin zanni Saturday nitaklam nasep aman ciangin 10pm hunpawl in mawtaw hawlkawmsa in innlamzuan in ciahkhia cihi.

Lampi tungah mawtaw tawh atai laitak in Beeping Sound agingging za ahih manin, a mawtaw bangci hidinghiam cih theicianlo a, ama Uncle te omna Taman Damai, Kapar ah Checking abawlsakding in paipih cihi.

Uncle in Checking abawlsak ciangin mawtaw amailam Bumper tungah muanmawhhuai vankhat mukhia hi. Tuaciang in palik te amanlang in ki zasak a, palik te’nzong Bomb Disposal Unit te zasaksawn in mawtaw tungpanin ahunlap in ki hemkhiathei cihi.

Selangor CID Chief ii genkhiatna ah tua mawtaw Bumper tungah akikoih pen IED (improvised explosive device) Bomb namkhat nahitakpi a, Bomb Disposal Unit te’n tuzingsang 2:30am hunpawl in Fuse lakhia in, apuakkhamlo dingin bawlthei uh cihi.

Bomb Experts te genkhiatna ah hih apuakkhamthei IED Bomb pen tuithawlneu Mineral Water Bottle ciakhawngbek pha ci a, ahi zongin asung ah apuakkhamthei Explosive Materials leh Switch khawng kikoih cihi.

Mawtaw nei Nurse nupen nitaklam ama nasep hun Shift aman ciangin mawtaw hawl in innlam zuanin aciahkhia hi a, lamkal ah apai laitak in Beeping Sound agingging za ahih manin hih IED Bomb aki mukhia cihi.

Related: Malaysia, Klang vengsung ah innbuluh in innteeknu abuan Burglar-rapist kimanta

Hih IED Bomb pen koipan in bangci bangin hongpiangkhia hiam cihpen athu ala akician in hoihtak in ki kancian laiding hi ci’n Selangor CID Chief in genbeh hi. Sawltak #zomidaily