Klang Valley sungah tukal Weekend ciangbekin tuisik hoihtak paikik panding

Klang Valley sungah tukal Weekend ciangbekin tuisik hoihtak paikik panding

Malaysia, Klang Valley vengtuamtuam ah tuisik hoihtak kingahlo ahih manin mipi te ki cimawhtek mahmah hi. Tui hawmkhiatna aphualpi ah zanni in Pipe apuakkham om ahih manin, adiakdiak in Klang Valley kuamsung aomteng in athuaklawh ahihi.

Hihvaitawh kisai in thunei ahi Selangor Infrastructure and Public Facilities Committee chairman Zaidy Abdul Talib in agenkhiatna ah tuivai puahphatna Repair Works aki neihsan laitak hi a, tukal Weekend ciangin tui hoihtak ki ngahkik theipanding hi ci’n genkhia hi.

Petaling, Klang/ Shah Alam, Gombak, Kuala Lumpur kuamsungteng ah hongtungding Sunday (March 11) nitaklam 6pm hunciang bekin Water Supply tuisik hoihtak ki ngahkik theipanding hi.

Kuala Langat leh Hulu Selangor kuamsungte ah ahihleh Saturday (March 10) 6am hun akipan Water Supply tuisik hoihtak ki ngahkikding in ki lamen hi ci’n thunei te’n genkhia uhhi.

Video: Selangor Infrastructure and Public Facilities Committee chairman Zaidy Abdul Talib on Wednesday said water supply in the Klang Valley will resume by the weekend as repair works are underway following a burst pipe incident.

SSP3 Water Treatment Plant ah puahphat nasepna pen Thursday (March 8) nitaklam 6pm hunciangin ki mansiangding in ki lamen hi. Tua Repair Works amansiang ciangin tuisik hawmkhiatding kikholkik dinga, tuahang tengtawh Saturday leh Sunday ciangbek in aki hawmkhiakik theipanding ahihi ci’n thunei te’n Reporters te tungah genkhia uhhi.

More: Yangon khuasung akizang Gyo Phyu tuilak ah ektui kihel

Hih Klang Valley kuamsung aomte tuisik hawmkhiatna ah puahphatna bawldingpen aki geelkhinsa ahihi. Ahi zongin zanni in tuisik hawmkhiatding aki patkik madeuh in tuizawn Pipe agolpi 2 puakkham citciat ahih manin, Repair Works bawlphakik leuleu uh a, ahunlap in tuisik ahawmkhia theilo uh ahihi. Saturday leh Sunday nizong thuakteta kullaiding cihdan hihtuak phot hi. Sawltak #zomidaily