Malaysia, Klang Valley sungteng ah guahtui tamlua in tui kicing zihziah

Malaysia, Klang Valley sungteng ah guahtui tamlua in tui kicing zihziah

Malaysia, Klang Valley sungteng ah zanni Wednesday nitaklam in guah tamlua mahmah ahih manin, Petaling Jaya, Gombak, Sungai Buloh vengsung tengah tuibekbek dimzihziah kawikawi hi.

Nitaklam thakhatthu in “Flash Flood” tuakvat ahih manin lamzikpi te ah tuidim in, mawtaw leh innpawlkhat tui in tumcip hi. Fire and Rescue Department panin thunei ahi Spokesman khat ii genkhiatna ah nitaklam 4:30pm hunpawl in Palm Springs Junction geinai aom Persiaran Surian dungteng ah tui dimgawp ci’n hongki zasak cihi.

Lamzikpi tungah mawtaw honkhat tui in tumcip in, awkcip a, lamzikpi tezong kizangtheilo ahih manin, lampi tungah mawtaw dimcip, Traffic Jam cip hi.

Nitaklam 6pm hunpawl in Sg Kuang apangteng kitamkham ahih manin, Gombak vengsung aom inn 6 bang tui in tumcip hi.

Ageinai aom Rahmat Jaya Fasa 4 Housing Area ahzong tui dimgawp in, 60cm bang pha in kicing kawikawi hi.

Flash Flood hangin Sungai Buloh geinai aom Jalan Kuala Selangor -Kepong lamzikpi tungahzong mawtaw dimzihziah hi.

Petaling Jaya OCPD Asst Comm Mohd Zani Che Din in agenna ah Persiaran Surian dungteng ah mtaw akigawm in 6 bang tuisung ah awkcip cihi.

Nitaklam 7pm hunpawl ciangin tui damdam in kiamsuksuk sam a, hih tuikhanna tuicin hangin asi aliam cihbangbel kuamah kizalo hi.

Video: Pictures and videos shared on social media showed stranded motorists and submerged cars along the highway at Kota Damansara, as well as at areas near Sungai Buloh and Kepong

Jalan Tropicana 1/1 vengsung aom khatpa ii genna ah ageina hileh ka nasepna Office panin inndong kaciah ciangin Minute 10 panin 15 khawngbek aziakai ahihi. Ahi zongin zanni in Persiaran Surian dungteng ah ka awkcip a, Minute 45 khitciang in inn katungpan hi ci’n genkhia hi.

Fire and Rescue Department te’n tuihupset tawh tuikicing te hupkhiasak uh a, tuaciangin lampite ki hongkik, ki zangkik theipan cihi.

More: Malaysia, Klang leh Shah Alam vengsung tengah tuicin tungkawikawi

Fire and Rescue Department panin Spokesman khat ii genna ah IOI Puchong Business Center vengteng ah nitaklam 6pm hunpawl in tui kicing kawikawi in, Pikhat leh alang valbang Water Level sangtoman cihi. Guahtui atamluat ciangin hawkguam “Drainage” ah ahunlap in luangkhia theilo ahih manin, tui akicing kawikawi hiding hi ci’n Spokesman pa’n genkhia hi. Sawltak #zomidaily