Klang Valley sungteng 4km nuai ahihleh RM0.99 tawh Uber Taxi kituangthei

Klang Valley sungteng 4km nuai ahihleh RM0.99 tawh Uber Taxi kituangthei

Tuni (Feb 13) akipan Malaysia, Klang Valley sungteng 4km sangin agamlazawlo navaknading aomleh Uber mawtaw te zat huaihi. 4km nuaisiah ahih nakleh Uber te’n 99 Cents (RM0.99) bek hong lading uh ci’n Facebook tungtawn in tuni tangkokhia uhhi. 4km sangin agamla zawlo ahih nakleh Flat Fare ci’n pia 99 (99 Cents) bek piakkul hizen hi.

Hih Uber Promotion pen Feb 13 pan Feb 26 nidong hiding a, Booking nabawl ciangin “Promo Code” bangmah kisamlo hi. Peak Hours akici zumkahhun leh zumtuahhun, mawtaw atam phatdiak hunte nangawn ah 99 Cents bekmah lading uh cihi.

Uber mawtaw saap pen 99 Cents bekbek hitazen ahih manin, sumtang Cash tawh napiakleh pia 99 cihbang omtheilo ahih manin, RM1 hong lading uh cihi. Ahi zongin Credit Card tawh napiakleh 99 Cents bekbekmah honglabek ding uhhi.

Hih Uber Promotion pen ihgensa mahbangin Feb 13 panin 26 dongbek ahihi. Ahi zongin a Facebook ah asuahkhiat uh, a Post khiatuh pen 1000 val aki Share leh Promotion ani kalkhat khantoding ci uh a, azenzen in 2000 val aki Share leh Promotion kalnih khantoding cilai uhhi.

Klang Valley sung vaknading naneihleh zat huai hi. Ahi zongin napai nading pen agamlatna 4km nuai ahihding kisam hi. Tuasangin agamlatzawk leh mawtaw saap angei mahbang in honglading uhhi. Facebook ah a tangko khiat uhzong hihpan ki enthei hi. Uber Facebook

Theihding: Promotion pen azenzen in aki genkhol theilo guah tamluatna, lampi Traffic ki khakcipna cihte aomkhak zenzenleh Uber mawtaw saapman pen angei mahbang in “time + distance” ci’n ahun leh agamlatna tawh kizui in asum kituakding cihi. ZD Sawltak #zomidaily