KL Airport sung Kim Jong Nam asuamlum numei 2 te thusitna kinei tading

KL Airport sung Kim Jong Nam asuamlum numei 2 te thusitna kinei tading

Malaysia Kuala Lumpur International Aiports 2 (KLIA2) sungah Kim Jong Nam asuamlum numei 2 te zingciang Wednesday (Mar 01) ni in thukhenzum ah thusitna kinei tading cih CNA pan kiza hi. KLIA2 sungah Feb 13 ni in North Korea gammi Kim Jong Nam aki suamlupkhit ciangin asuamlum hih numei nihte kiman a, zingciang Sepang Magistrate’s Court ah thusitna aki neiding hita hi.

Tua asuamlum numei nihte lakah khatpen amin Doan Thi Huong hi a, Vietnam gammi ahihi. Adang khatpen amin Siti Aisyah hi a, Indonesia gammi ahihi.

Attorney-General Tan Sri Mohamad Apandi Ali confirmed this when contacted by The Star on Tuesday.

Vietnamese numeinu pen February 15 ni in Vietnam ciahding in KL Airport apaisawmna panin akiman ahihi. Indonesian numeinu zong azingciang kimatbeh leuleu hi. Hih tegel pen Airport CCTV panin hoihtak ki Record khamawk ahih manin, ami kitheihcian pah a, kimankhia pahhi.

Hih tegel pen Remand in akikem hi a, Remand pen tuzan Tuesday Midnight hunlian in abeitading ahihi. Tua ahih manin zingciang March 01 ni in Court ah thusitna akibawlding ci Attorney-General Tan Sri Mohamad Apandi Ali inzong gencianna neikhin hi.

Hih numei tegel banah Kim Jong Nam kithahna vaitawh North Korea gammi Ri Jong Chol kici khatzong akiman ahihi. Ahi zongin ama vaitawh kisai in Police te’n kancianna aneih uh mansiangthei nailo ahih manin, Wednesday ni ciangin hih numei tegel tawh thusitna neikhawmloding cihzong kiza hi.

Hih thusitna omtading cih akitheihphet in Courthouse ah Local leh Foreign Media te omkhinta ciliang hi. Nungsungteng Kim Jong Nam ii Post-mortem Result aki genkhiatma in Media te General Hospital Kuala Lumpur (GHKL) maiteng ah suntawh zantawh ngakcip uhhi. Tu’n Courthouse ah ngakcip leuleu uhhi. Zingciang tua numei nihte bangci bangin thu hongki khendiam cih ngaklaini. ZD Sawltak #zomidaily