Ki mawhsak Lo

Ki mawhsak Lo

Thunih bekbek tawh ki mawhsakna leh ki mawhsak lohna ki kumsuk dih ni.

Thukhatna : Mikang galkap ten 1940 kum pawl in a deihzah in galzolo uh
ahih manin a gam aten hong ciah kik un ci-in sam kik uhhi. Kumpi ten
Tembaw tawh galkap a gamvuah May kha panin ciahpih hong ki panin June
kha kal masa dong Galkapten agam vuah nawnnawn lai uhhi. Galkap
khempeuh a nawn khin ding hita Tembaw tungah mite kah ngeingai uh aa,
Galkap tawm khat ten galsimsuak ding ci-in utlo hi. Tua ki kalleh a
galten kap uh aa a liamtawh a si tawh om zelzul uhhi.

Numei nih in Tembaw sung panin a si leh a liamte a muhteh tuak khia
dingin ki thoi uh aa, Galkap mangten tuak khia kei un. Amau te paisan
lel ni ci uhhi. Amau a utlo uh hilel cilo uhhi. Numei nihten a liamte
kemzaw ding maw, Tembaw tawh ciahzaw ding cih hong ngaihsut uh ciangin
ka mipih a liamte nuntakna enzaw nung ci-in khensat uh aa, a liam a
baihte na kemzaw uhhi. Ka sih uhleh zong ka si khawm ding uh aa, a
nungta ding ka hih uhleh zong ka nungta khawm ding uh ci uhhi. Makaite
thumanglo, makaiten zong mipihte itlo ci-in kuamah ki mawhsaklo uhhi.

Thunihna : Mikhat in Galkap mangpa mai ah a kun noploh manin a
minambup un Galkap mangpa leh Kumpipa in Thahalup dingin thukimna lai
hong bawl uh aa, a gam sungah tua lai hong hawm tak uhteh tua lai a
ngah mi khempeuh in a ngahnini un;

Sangkah dingten kah nawnlo
Lo kuan dingten kuan nawnlo
Si vui dingten vui nawnlo
Khualzin dingten zin nawnlo
….cih bangin a munmun ah Kap ziahziah uhhi. Mi khat Galkap mangpa
mai ah a kunnoploh man hi na pi in ki mawksak sese lo uhhi. Tua mipa
thatlup dingleh a inn uh hal dingin ngaihsunlo uh hi.

Leitung dan ah tua minamte’ suahtakna ding lampi om hetlo hi. Himah
leh a minambup un Pasian dan ah suahtakna om lai hi cih upna nei uh
ahih manin Thungen uhhi. Tua minam teng thungen manlo liangin ki
vatvatlo uhhi. A minambup un Anne lo in Pasian tungah a Thungen uhteh
a minambup un suakta bek thamloh in gam leitang hong ngah uhhi. Esther
LS sungah ki mu thei hi.

A tawpna thukhupna ah ki mawhsakna pen mi muanna hi aa, Pasian
muanlohna ahihi. Thukhualna pen itna hi aa, ngongtatna pen itna hilo
zel hi. Muangngam itngam ihihleh Pasian in lampi hong sial kholsak
takpi ding aa, ei teng hong ki tawng sak Satan i sukmai matengin
gualzawhna ki mu ngeilo ding hi. Pasian muangin Thungen ihihleh mite
mawhsak nang thu om peuhmah lo hi. Lungdam.

Thawn Tuang
Nashville TN USA
Oct 9,2015
Ka laigelh sunsunte>>www.zomi-angvaan.blogspot.com