Ki lawmtatna ~ Tdkhen

Ki lawmtatna ~ Tdkhen

1. A kikhawl khempeuh kilawmta hikhin lo-a, a tuam om’te zong lawmta hithei veve hi.

2. Ki khangual pihte bek tawh kilawmta thei hilo-in, dinmun kikhai’ pipite zong kilawmta thei-in, naupang khat leh upa khat zong kilawmta thei a, “Lawm” kici tuaktuak thei lel hi.

3. Lawmta cih pen pumpi kikholhna sangin lungsim kikholhna hi zaw hi.

4. Lawmta cih pen a ki nuntakpih tuaktuak uh ahi hi. Nopna, dahna ah a ki-oih kawikawi thei uh hi.

5. Lawmta cih pen kamsiat hun ah a ki nusia lote ahi hi. Haksatna mun pen lawm tenh-na mun hoih khat ahi hi.

6. Lawmta hilo-a kikhawlte pen haksatna tuakleh ki-itna mei mit-a, lawmtate ahihleh haksatnate in ki-itna mei a seem kuang hi.

7. Lawmta cih pen bang tanin kikak taleh a lungsim uh om khawm hi. A kikholhpihte in a lawmit a gensiat uh ciangin a maitai zo kei hi.

8. Lawmta lote tawh thuciamna lo-in kilungmuang zolo-a, lawmtate tawh ahihleh thuciam kul lo-in ki lungmuang lel hi.

9. Kilawmtatna in a mipih, a nampihte dongin hongit zo sak a, ki-itna in gamkhat namkhat a lawh zo ahi hi.

10. Kilawmtatna in itna lakah a nuam pen hi a, Topa Jesu in zong kilawmtatna tawh a hong sam hi. (Johan 15:12-17).

Khaikhopna:-
Na kikholhpihte’ lakah om takei ci-in mikhat peuh na mawk gensiatleh, na gei-a-te’ lawm na hi thei hi. Tdkhen