Khutbom neihlohhang gualtung atuang veve Maricel Apatan

Khutbom neihlohhang gualtung atuang veve Maricel Apatan

Hamsatna kawmkal pan lungkiatna neingeilo Maricel nawkkhak nuntakzia tawm ei nuntakna ah genthei hamsa sa in ii thum daldal, ih lungkiat niangh nuangh na pan thasan in tha ih lak tek ding deihna tawh….

September 25, 2000. Maricel Apatan pen kum 11- pha  in Zamboanga a ki ci na mun ah teng hi. Ni khat ni ciangh in hih numeino nu in a pu kiang ah hawh kawm in a tui zat ding tawi sak ding in a pai lai tak ….

A huang sung a lut ciangh migilo 4 in a pu namsau tawh dawtlum in a ngawng na lengh tansak laitak va tuak kha khelkhel ahihman amah zong dipkua sa in a pu inn veng te kiang  atai leh migilo te hih nun ih thusim teng palik te kiang gen khiua kha ding hi cih ki guangkhualna tawh thah ding numeino nu nung delh pahvingvengh.

Maricel zong amau zat Philippine kam tawh “Kuya, ‘wag po, ‘wag n’yo akong tagain! Maawa po kayo sa akin!” (“Don’t kill me! Have mercy on me!”) Hong that kei un, Hong hehpih ta peuh un, ci-in kiko ciai ciai…

A hizong in migilo ten hehpih tuanlo in sat gawp in a ngawng tem tawh dawtsak sawnsawn.

Maricel zong khuaphawk nawnlo in leilak ah bok suk sibup sa in om …

A khanlawh ciang a pumpi tungteng silehnai tawh na ki dim pekpak. A kim apam a et kawikawi leh migilo te munawnlo ahihman in a inn lam a zuat theih zah in hanciam in ong zuan in inn ong tung.. A Nu gal ot san ciai ciai.  … A Nu in a muphet in a aliam biatbuat a ta nu puam tawh tuun in ainn pan  12-kilometer khe tawh pain a ah om Zato pi zuan in ong pai ciang nai 4 sung sawt mawk.

A liamma mun 25 teng Siavuan ten a khui sak khit the nai khat ong zekai lai le uh cin man lian uh cey! ci- in dip kua sa in nak lah liang in ong gen.

Maricel a liamma teng a bawl khit damsiang ding cih lungmuanna a neih khit uh a zing teh ama kum 12 cin suah pawi tawh ki tuak citciat. Topa thupha…

Zawng lua mahmah uh ahihman in a ki bawl na uh zato bill P 50,000 zongMaricel inn kuan ten pia zo lo. A hihhang Topa’n a misiangtho te zang in a lamdang pi na hong sem ahihman in….

Archbishop Antonio Ledesma leh khual gamla ah om a meltheih te huhna tawh zato bill leh a pua a suamlum te court fee ding teng ki sik zo liailai sam.

Maricel pen ong nuntak tei hang migilo te nak bawlsiat lua ahihman in a khut bom te nih ki tan khiuatsak in khut bom neilo in Regina Rosarii Nungaksiangtho ta kiang ah Sr. Eppie Brasil, O.P. tawh om khawm..

A hizong in Maricel pen a khut bom neih loh khasiat lawh hetlo, Pasian zong ngawh nuam lo in, lungkiat na in nei lo hanciam in ong om aa tu in

Maricel in School for Crippled Children pan computer siam pen cih pah tawh na ngah. A keyboard koi mek peuh hiam? Dot huai phial.

2008, kum in Hotel and Restaurant Management course ong sin to leuleu in tua ban ah Gold medal for Arts and Crafts zong ngah lai.

2011 kum in an huan dan course ong sin to leuleu in an huan mang (chef) ngah lailai. Tu in khut bom lo tawh a sun mang te ong tangtung ta hi. Sia Francis Kham