Khuangaih huai Yangon

Khuangaih huai Yangon

Tuni (May 4, 2021) thansanna kawm in Yangon khuasung mun tuamtuam na vak kawikawi ing. Khuangaih Huai mahmah hi.

Saipite Kihong Nailo

Saipi minthangte kihong nailo a, akihong sunsunte zong mitawm mahmah thilthial hi. Nek le tak ding akisam phadeuh saite leh zatui saite bek kihong hi. Kawl papi khat in hong genna ah, .”Hihte bel honloh phamawh hiven. Galpi nihna lai nangawn in hihte kihong lel cive uh e” hong ci hi

Cinema

Datsian zung (cinema) te zong kihong nailo ahih man in keu likliak lel hi. Amai ah leng tawh singgah peuh kizuak hi. Nidang in khuai vaitung abat ziahziahna munte sinung bang thialthual lel hi.

Bus

Nidang in bus te air-condition vive hi a nuam mahmah hi. Nungak tangval lawm kingaite bang nuamsa Lua kisa in ki nono liang uh hi. Tu’n bel air-con bus cih zong tam nawn hetlo in, lum mahmah hi. Nungak tangval kinono cih zong ki mukhalo in pitek phianphuan peuh ih gei khawng ah hong ding ahih man in ih heh peuh suaknuam pong hi. Nidang in akigak citcet pen tu’n kol mahmah lel hi

Lampite

Lampite zong kol mahmah lai lel ahih man in nidang in nai 2 bang ih paina munte tu’n nai 1 khawng bek kipai ta hi. Tuk hong tung in guah hongzu leh lampite sia laiding a, kipuah hetlo lai ding ahih man in Ong khuangaih Huai tektek ding hi

Bankte

Bank te ah sum thunsawm om nawnlo in alakhia nuam vive ahi hi. Sum thoh theihzah ciangtan mah tase le uh kawlgam ahih man in lampi tuamtuam tawh percentage tawh pia in kithoh ziahziah hi. Athoh man 3% bang piak kul hi. ATM set te ah zong sumthoh nuam mi kigual ngitnget kawikawi ahih man in amawkna a sum kihawm bang liang hi. Tungen abat leh bankte ah sum Bei tading ahih man in tuk hak nawnlo ding hi.

Si di em lutlote nangawn zong a khasum uh kha 6 ciang piapan ding cihthu khawng ging ta ahih man in khasum zong apiazo nawnlo ding in ki ummawh hi.

Mihing

Yangon ah mihing ngiat tawm ta hi. Ciahna ding neite atamzaw ciah ahih man in mi mahmah akiam ahi hi. Ahih theih laisiah kivak nuamlo tek ahih man in khualak ah mi tawmngiat hi.

Misokte

Misokte zong mun kiciteng ah om kawikawi uh hi. Kap lam sang in mat lam hahkat zaw ta uh hi

Khuangaih Huai

Covid tawh azawm ngingeisa khat misokte’n thu neihna Hong buluh sawnsawn uh ahih man in khuangaih huai mahmah hi. Ak cina Khat agawl va mekbeh tawh akibang ahi hi.

2007 kum buaikhit deuh a kawlgam hong pai ka kimuhpih France radio pan journalist Khat in “Yangon ah amaitai mahmah khat zong mukeng” acih kaphawk a tu’n zong tuamah bang hi. Amaitai khatzong omlo in kamuh khempeuh maigum ngiungeu hi. Pasian mahmah in Vai Ong hawm kei leh khuangaih Huai mahmah ta hi. Sian Aw Lum Bang Hong Sung In, Mung Laan Thang (Tawmvei, Yangon)