Khangkik Zomite’ mailam ding ~ Pau Khat Suan

Khangkik Zomite’ mailam ding ~ Pau Khat Suan

Khangthak khangkik Zomite maimialsak ding pen HAINA hi masa lo a, tuni a mipil leh makaite’ awlmawhlohna leh makaih khialhna hang hizaw ding hi.

Khuanung pil zel ve ni in, lungham gawp pong lohbuang bang i lawh diam maw?

“The SILENCE of the good people is more dangerous than the BRUTALITY of the bad people”

“History will have to record that the greatest tragedy of this period of social transition was not the strident clamor of the bad people, but the appallingsilence of the good people.” – Martin Luther King, Jr.

“The world suffers a lot. Not because the violence of bad people. But because of the silence of the good people.” – Napoleon

Makai leh Mipi

Democracy gam peuhmah ah makai leh mipi kinai mahmah a, mipi’ aw kimang pah cih ahi kei zong in ki thupi ngaihsut mahmah hi. Mipi (or) mimal in a ngaihsut khialh phial leh zong, makaite in pampaih nawlkhin, thusimlo lel cihbang omlo in, a teltheihna ding in limtak hilhcian uh hi. ( A langpang nuam tantan teitei bel a omding a ngeina ahi hi. )

A ki-ukcip ( dictatorship ) gamte ah nakhempeuh democracy zia tawh kilehbulh sitset hi.

Dictatorship kimakaihna peuhmah ah –

• mipi ki thupi simlo hi.
• mipi aw kingai vetlo hi.
• mipi tung ah makaite in thu tampi genlo uh hi.
• makaite in acih bangbang uh amang melmel lel ding in mipi lam-en uh hi.
• makaite in amau bek a thei, a siam, na a semthei kisa uh hi.
• (tampi omlai )

Khatpan…
Mipi a thusim lo, mipi tawh kizopna mel a omlo, mipi’ aw a zanuam lo, mipi thu theihna ding a hilhcianna mel a theilo.. etc. makai pen democracy zia a kizang ki-makaihna ah makai ding a a cingtak zolo makai ahi hi. Pau Khat Suan