Khang nih ki nungta lo – molhtum suak ken!

Khang nih ki nungta lo – molhtum suak ken!

Khuak in na a sem nawnlote “brain death” kici a a lungtang kisai lai in, a naknak lai hang asi hita hi. Sih leh sivet pen adan khat om a, tua sang a uthuai lo zaw khat pen “persistent vegitative state” hi in, si lah silo, hing lah hinglo/khuaphawk nawn vetlo cih dinmun ahi hi.

Amah leh amah a ama’ khuak theihna tawh a nungta lote Zomite in “mi’ molhtum” na ci uh a, persistent vegitative state tawh kibang hi.

Kua in nakhut bangtawh ong lehhen a, kua in na khekop pan ong man in molhtum a ong zang hiam cih na theih kei leh “politically persistent vegitative state” a om nahi hi.

Mihing hih buang in, mi’khuak tawh nungta zawzen kenla, nuntakna in man a nei ding in nang ma’ khuak mah tawh nungta buangsam in.

Nek khat dawn khat lel tawh nakhut ki-lehhen sak sam kei inla, mi cidam hisam in na khekop ah kuamah ki mansak sam kei in. Mite in a theilo ding nasak leh, nang na phawkkhak loh hang nakhut kua in bangtawh ong hen a, nakhe pan kua in ong len hiam cih thei mahmah lel uh hi. Mihing khang nih ki nungta lo hi. Pau Khat Suan

Politics leh Mawhsakna

Politics gengen a Mawhsakna a thuaklah phadeuhte pen ama’ mimal angsung hamphatna ding a tua nasep a semsemte ahi hi.

Tuabang mite in ama’ cihbangbang Amen aci lote gal in nei pah a, makai dinmun ah a omkhak ciang Newin’ hunlai sang suuksia zaw uh hi. Ama’ deihbang in Thuneihna neithei hileh Adolf Hitler bang khading uh a, tuaban ah hithei hileh tanglai kumpite’ thuneihna bang lunggulh lai khading uh hi..

Tuabang mite’ khateh nengkai lam-etna tawh a pumgupte bel mihai taktak ahi hi. NB: Hunbit biakna nasem lak ah zong hihbang lungsim om zen hiven. Pau Khat Suan