Kawlpi leh Yangon atai Chintaungtan te Bus khat lamkal ah tuahsia, asi omlo

Kawlpi leh Yangon atai Chintaungtan te Bus khat lamkal ah tuahsia, asi omlo

Yangon leh Kawlpi kikal atai Chintaungtan Bus khat tuahsia cih kiza hi. Hih Chintaungtan Bus pen Yangon panin Kawlpi (Kalaymyo) lam zuanin atailaitak hi a, zanni in atuahsia ahihi.

Atuahsiatna munpen Yangon leh Mandalay kikal Highway tungah 167 Mile pawlah atuahsia ci a, asi kuamah omlo bilbel in, ahi zongin aliam pawlkhat om uhhi.

Video: Chintaungtan Bus khat Yangon leh Mandalay kikal ah tuahsia

https://www.youtube.com/watch?v=0ugWx-2fawE

Ko Kyi & Brothers and Sisters kici micimawh ahuh apanpih te genkhiatna ah numeikhat alu liam in, adangzong mi 6 khawng liamna tawmtek ngah uh ahih manin, zatui ka thehsak uh ci’n genkhia uhhi.

Hih mihuh kipawlna te’n akisambang in vaihawmsak in, Police te zasak uh cihi.

Mawtaw ahawlpa pen taisim hetlo in, atuahsia aliam te ahihtheih bangin panpih kici hi.

Athu ala akicianzaw in atheite’n Comment ah hong gelh un, theihhuai theihbeh aomleh ki Update kikkik ni. Asi kuamah omlo limlim ahih manin kamsiatna kawmkal ah lungdamhuai cihding hi. Sawltak #zomidaily