Kawlpi Khuahun pawlkhat

Kawlpi Khuahun pawlkhat

Dear Ihvekin,

Kalaymyo lhua hun pawlkhat i kihawmsawn nuam hi.

1. A khuahun takpi, crimate mah a hen masa pa hi leng; Sept.21,
(sunday) ni zan panin khuahun hong kikhel vat a, tawmtawm hong vot zaw
deuh ta ahihanin khuahun noplaitak ahi hi. Vot lua nai lo, lum lua
nawn lo cih ding ahi hi.

2. VIP MEI:

Kalaymyo VIP mei pen Oct.1 a kipan nikhat nai nga ta pai ding cih pen
nisim pongman thei tuan sam lo a, hong pai loh ni zong om, hong pai
sun ciangin la nai 16 kizom bangin hong pai thei zel hi. Nidang
sangin bel nakpitak nuamtuam zaw cih ding ahi hi.

3. KAWLTE’ TADINCHUT PAWI – ZOMI TE’N LIMBAWL ZAW-LAI:

Tu sungteng sangkhak neu om a, Kawlte “Thadinchut” pawi, meivak pawi i
ci ding hiam, tua pen Zomi tampi te’n hah ngaihsut zaw mawk uh hi.
Keep lan, meipaak lawnin kitulmawh dalh uh a, veng-le-pam in a
thuaklah, konopmawhna pawl khat om cih thuthang hi. A lot nop vua leh
amau inn huangsung leh nitak khawng hi ding hi. Mimael paelkhatin
lampi a mipailai khawng peuh denna thei maek uh ahih manin a
diakdiakin lungtang natna nei pawlkhat bang in thuak kha hih tuak uh
hi.

(Nipi kalsim a laihawmte bangin a hunlapin hong suahkhia hi le uh,
tuapanin Pastor te’n biakinn pan limtakin ge le uh phatuam thamdingin
ka um hi. A zat siam lo pha diak pen eimite mah hi zel mawk hang ei.
Ka veeng lui vua ka om lai uh ko veengnai deuh teng pen kham zomah hi
veng in, tun bel mithak ki hilai tawh kisaisak peuh hong kicih khak
leh ci-in ka omsan lel hi. Tua banga a mor lotlorte inn sung enlwng
mite’ tunga te’ hi khol kei zaw uh, Kawlte’n, “Tawta-lule” a cihdan te
uh hi lel sam hi.

Zomi te’n bel tukum khuado kinei zo lo ding himawk in ciai, tudong kua
husa dumde nai keei kei ei. Annekkhop leh sameh lei peuh khuado a
cite’n bel a bawlbawl om tuak. Hibangte lhuago ci le hang nisim a
khuado zong om ding hi ve hang, nisim a lungdambawl cihdante pawl ee.,

4. TUIVIAL PATEH NEKHIAL TE INNKUAN HHNA KIPIA:

Tunung Tuuk hun sunga Tuivial lhua ah patehnekhial a hong
nusia,mualliamsa mi 4 te’ innkuanpih a omlai teng panpihna tawh na sum
piakkhiatnate uh ahi hi. Sept.25*2014 ni-in Yangon panin Sia Mungtawng
(FGA) leh a upa Neng Hau te in hong puak to uh a, AMC Biakinn ah sum
kipiakna nei uh hi. Gamdang pan ngahsak vekpi US $ tul giat kim pha
cih thu kiza hi. (sum mal a kipelh lehtheihsiam, zakdan ahi hi).

5. MOPAWI LUNGDAMPIHNA AZOM:

(Pa Thang Cin Kap) Tungtuang, Dr.Go Chin Zam (O.M) Yangonte’ nautum
pen, Tg. Lian Kim Mung (a) Kim Mung & Capt.Pum Khan Pau
Thalmual-Yangon (Rtd). te’ tanu, Lia Pum San Cingte in 13-9-2014
ni-in Central Hotel, Yangon ah pumkhatsuahna nei uh a, i lungdampih
hi.

6. AMC THUNGETNA HUN KIBAWL LAITAK:

Agape A.G (AMC) Hanciamna tawh 2011 a kipan thungetna huang khat lei
uh hi. Tun Hall khat leh thungetna bul 30 lam ding a sepsan laitak uh
hi a, hon khat zo ta a, tamsim mah in samlai ahi hi. A bulpi sumtha
mah kisamlai ahih manin piakkhiatna tawh a kihelnuam giugiau i om khak
zenzen a leh ki welcome mahmah hi, cih deihsakna tawh kong pulaksak
hi. A’mun pen Tai 9 BOC Datsi sai sakdiak veilam luipang zang suk teng
ahi hi.

Hih mipi’ thungetna tawh kisai-in Kalaymyo ah mun nih bek kinei pan
ahi hi. A masa-in Carmel mual hi a, kuakim kah zo khin sam lo hi. Tua
kht teh Taungphila veengah hong nusiasa (Revd Van Nun Thang) makaihna
tawh, “Jehovajire Prayer Garden” cih buk tampitak leh hall tuamruam
lamin’hong omto a, mi tampi in kinoptuam lawh ahi hi. Tu a kilam
AMCte’ azong kuamah deidan om lp a zattaang theih ding a geelna mah uh
zong ahi hi.

7. SIM CARD VAI THUTAWM:

Nunglam deih a kipan GSM Sim Card a tawmmante akingah a kipan phone
line hong kilamdangpah mawk hi. Tu nungdiakteng bang pen GSM a masate
pawl line hong kigak mahmah denin phone leh internetnopmaej tuam
mahmah hi. Tun bel kikhelsak pia zel uhhi leh kilawm hi. G hoih laitak
C te kigak, C hoih hun teh G te kigak cih dankhat tawh hong kibang hi.
Tu’n bel tawm hong hoihdeuh tei ta sam. Phone kibwhlap hangin tower
kibeglap loaek ahih manhihtual hi. Gamdanga ten line hoih loh teh na
na telsiam dinguh hi’n teh.

8. KALAY-YANGON DIRECT BUS KIBEHLAP:

Hih peh thuthak lua hi nawn kei ta leh Zomite’ makaihna tawh Hmanlong
line Bus i neih masak pen khat ahi. Chintaungthan Bus hi a, hunkhatlai
moror lui lua ta, motor te zong thunuam lo cih thulhaeng ging ngei ta
leh tun na lhempeuh kilamdang ta ahi hi. Manlong Bus hoih mahmah,
Yang-Mandalai taite mah a bang motor hoih mahmah 6 pen Kalay-Yangon
Direct paisak lhin zo uh a, tua guklal ah Tedim kampau Zomite’ a zo.g
thum kihel hi, cih zong angtanhuai thu i kihawmsawn hi.

9. TAN 8 KUMPI LAIVUAN NASIASAK MAHMAH TA:

Hunkhatlai mi tampite tan sawm bek hi lo, tan giat nangawn ah i awk
theih zel danin tukum a kipan Examna lhauhpaisak mahmah kik ta uh hi.
Amau tukhawmsal lo-in, tan kua te lhatta tawh tukhawmsak uh hi.
Laivuanpi ma-in laivuanneu nihvei om dinga, tuate ah a hoih onte pen
laivuanpi ah damlohna bangkhat a omphial a leh zong zothei ding cih
ciangdong nangawnin panla ta uh hi. Mai kum akipan tan 10 te pen tan
11 a on khit ciangbekun tan sawm level in kisimsak ta ding cih thu om
ahih manin tukum tan 10 sinte in hong zawh ding uh pen lunggulhhuai
ohadiak ding ahi hi.

10. USA pan THUGENPI DING HONG CIAHPAK:

Kalay No.2 Section panin W.M Dept. te vaihawmsiamna thugenpi dingin
Texes, US panin a sap uh, Revd Dim Lun Zam (a) Zamnu, Revd John Thang
Hum’ zi pen Kalaymyo hong tungta a, tunitak, Oct.9-12, 2014 sungteng
Phualpi A.G biakinnahnitaksim nei ding ahih manin a kihel zozo kihel
huai hi, cih nekngaihna i kigen hi.

11. KHUASUNG KULTAL LAMPI BAWLNA:

Guahtui luansung kikhawl phot a, a dawt lo a sep kok ding geelna om a,
a kisepna mun zong om ta hi. Lansong sak a platform te kikeek behsak
hi.

A diakdiakin eimite’ omna veeng ah motor cycle kihathawl luatna leh
zudawn siam lomite kidop na ding ngimna tawh laka neuneu te leh mun
khatlhat ah “khobo” kibawl a, bangmah a nhaihsun se lo zong bel om zel
ahi hi. Mi tampite’ grnna ah MP te’n lah lukhu khu lote bek cimawk a,
a hathawl lua cihtepawl hong thudonsak lo mawk ih ahih manin i
veengsung ah daihna leh bitma a om tuam theihna dingin hibangte a
kisam pha mahmah ahi hi, cih kihen tangtang hi.

12. USA PAN TUNAI HONG CIAH PAWLKHATTE’ HUN NEIH DAN ETTEHHUAI:-

(1) Pa Thang Suan Mang (Suan Mang) & Lunboih (Florida) te innkuan
July khasung hongciah uh a, mun tuamtuam va pha kawikawi uh hi. Yangon
biakinn pawlkhatah hunzatna va nei thei uh hi. Innsung vaite bel a
tuamin koih ni in, a lawmnu’ pianna Saipimual khuata ah
tuknuai-dainuai ah va pai to uh a, khuazangbup ankuang umpihna Bang
khat go-in va neihpih uh hi. Eima lam i puah i zuun mah bangin i sung
i pate lam zong va phawksiam pen rhupi ka sa a, ettehhuai kasakna tawh
hih thu a gen i hi hi.

(2) Sia Khawm Khen Mang (a) Mangbawi zong US pan a nu leh a pa’
nusiat nungah innlam van dingin hong ciah thei a, usung-nausung leh a
pawlpi ah hunlimcitak zang thei cih kiza hi. Gamdang omte mah na muhna
uh zong zaizaw hi’n cin thupi leh thukhualna, minam veina leh itna nei
diak le uh teh kilawm kongsa uh hi.

(3) Zan a i gen, Tg.Pau Suan Mang (a) Mangpu leh kanau tumpem uh,
Tg.Dai Dawm Siing (a) Siingpu zong Tulsa pan hong ciah uh a, Mangpu in
zi khat la pah lek hi. Zi kisamte aw, tualam a i numeite ki-hisak sa
a, hong ngaih kei vial vua leh hong ciah mengmeng un, hilam ah mi
kiciantal na hih nak a leh na deihdeih telthei ding hi uh teh, cih
deihsak gen hang. Ka nau Siingpu pen ka nu veh a hong ciah pak hi a,
dammawh veh leh sigal kawm a suak hi. Hong ciahnate uh mannei kasa
ciat hi.

Hi deudau teng ka gen ciangin i khuahun pen nidang galkap ulcip hunlai
bang nawn lo-in suakta tak kiciah kihawh thei ta ahi hi. Nu neilai, Pa
neulai te leh a diakdiakin gamdang sawtpi omte pen khatvei peuhmah
innlam pha le uh teh phaktak kasa hi. Migam, mi lei bekah ki-kulhcip
le uh teh i gam i lei veina leh unau-sanggam ki-itna te na theihloh
kal un’hong dau semsem ding ahi hi. ” Green Card” neisate suakta
takin cuahin pai kik thei ta hi, cih lungsim pataulaite’ aa dingin
deihsak thu i kipulak hi. Nau lampan pen vai hih neknuk loh ding bel
limtak na ngaihsut pah kei vua leh a ki-kai-awk kikkik thei ding cihte
na ngaihsut ding uh ahi hi.

(4) Pa Lia, Zam Hau Lian (a) Bethel Pa Lian peh hidan tawh hong ciah
mada lam pawl dingin kigen a, amah bel om phot sawm ta hih tuak hi.
Hong tun a kipan လူမ်ုေ၇း lamsang hat mahmah ahih manin mi tampi in
kinoptuam pihpah ahi hi. Tua lo hong ciah dangdangte hong telcian kim
lo ka hih manin hong na ngaisiam un, cih hong thuum ing. etc…
NB: Hi ziaizuai teng hisak phot ni, na hunngah danin na simsak ciat
vua leh. Phone pana ka gelh agelh ahih manin laimal khialhna om thei
kha ding hi, en cian man nawn keng, a deihna a kitel liamliamnak leh
ci hang. Omna ciatah Topa’ thupha ci ni.
Deihsakna masuan kawmin,

Peter Khampu