Kawlgam Census a khiatna bang!!!
Census cih pen minam ki simna leh ki ciamtehna ding ki simna hilo in,
milip ki simna, mi phazah (a count of the population) ahihi. Result
bangbang in a suak zongin a code number teng tawh hong suaksak
ngeingailo ding uhhi. State khat sungah mimal tuazah pha aa, Division
khat sungah tuazah pha hi cih hong hi ding hi. Pasal, Numei,
Naupang…cihbang in a phazah hong suaksak ding uhhi.
Ih deih thu bang hileh Zomi 914 a gelh phazah hong ki thei henla, tua
tawh UNO ah Zomi ki ciamtehna ah aki puak nuamto hilai hi. Zomi phazah
bang zah cih hong pulakna dingun deih mahmah hihang. A zenzen in
Kawlgam sungah Zomi omlo hi, Zomi cih bangin omlo hi hong cih uhleh
hong cihna Laidal in nget ding ki lunggulhto lai sawnsawn hi. A om
lohna ahang, a om lo phazah ki deihlai hi.
Kawl kumpi ciamtehna aom manin minam aom ki hilo hi. Kawl kumpi om in
omta keileh mihing a piangpiang hi aa, tua mihing ten minam khat ciat
a nei ahihi. Kum 2005 kumin India gam ah Zomi ihihna kumpi theihpihna
ngah kici hi( a taktak mah in lam en pah ing). Tukum Kawl kumpi in
Zomi om mah hi hong cileh tua ciang bek tawh ciamtehna ki lunggulh
hilo hi. Leitungbup theihpih in Zomi i om lam ciamtehna ki deih hizaw
hi. Zomi 914 ah min list zong hoih tak in kan huai aa, thei huai hi.
Minam neu leh a lian leitungin a khen hangin Pasian in ama khut tawh
hong bawl ahih manin khentuam neilo hi. Zomite lung neuna dingin Dawi
gilo a vakvak ngeina mah ahihi. Thanemna, lung kiatna…cihte Satan
kiang panin hong pusuah a hihi. Na thahatna, na khamuanna, na
cidamna…cihte Zeisu kiang panin hong pai ahih manin tua kawmkal ah
ahoihlo, thu hoihlo khat peuh in hong ukcip nuam den hi. Zeisu ki
makaih sak den peuhleng a hun atun ciangin a gah i at ding hi.
Lungdam.
Thawn Tuang
Nashville TN USA
May 29,3015
Ka laigelhte>>www.zomi-angvaan.blogspot.com
Comment piaknop aomleh...