Kawlgam ah “Moon Bear” akici Vom ganhingkhat alei golgawp ahih manin ki at khiatsak
Kawlgam ah “Moon Bear” akici vom ganhing khat alei bokgawp in, akamsungpan apualam ah golkhiagawp ahih manin, ki at khiatsak cih Guardian pan kiza hi. Tua Bear pen kum 2 a upakhin khat hi a, aminzong “Nyan Htoo” cih akivawh khat ahihi.
Hih ganhing kikepna Yangon khuapualam aom Monastery ah ganhing siavuan ‘Veterinarians” te Operation bawlding in nai 4 sungbang mawtaw tawh paikul cihi.
Monastery ah atun uhciang in tua ganhing pen akamzong cipthei nawnlo, alei pen gollua mahmahta ahih manin, amanlang in Emergency Surgery kibawlsak hi. Akam apualam ah apusuak alei pen ki tankhiatsak in, tua aki tankhiatsak alei bekbekpen 7 pound bang gik hi.
Hih Surgery abawlsak University of Edinburgh, England panin ganhing siavuansiam Dr. Heather Bacon in agenkhiatna ah Bear ganhing te kakepzawh kum 10 valbang hita a, hihbangdan alamdang pen khatveizong ka mungei naikei hi ci’n Guardian te tungah genkhia hi.
Hih Nyan Htoo akici vom ganhing pen agil tungah khalim “Crescent-shaped mark” om ahih manin, Asiatic Black Bear ahih keileh Moon Bear ci’n aki ciamteh Bear namkhat ahihi.
Hih ganhing pen Sengam ah aki puaksawm hi a, lamkal ah Monks te’n matsak in, Monastery ah akikem ahihi. China gamsung ah Vomsinkha “Bear Gall Bladder Bile” pen ngeina zatui Traditional Medicine in akizang hi a, tampipi mansak in kideih mahmah hi.
Monastery ah akikep laitak in alei golgawp ahih manin, England ah ganhing siavuan asin ganhing siavuan te ki zasak in, tuapan in Emergency Surgery akibawlsak ahihi.
Vom ii alei agolgawp pen thokang panin akilawhthei “mosquito-borne parasitic infection elephantiasis” cihte hiding in ki ummawh hi. Elephantiasis pen mihing te’nzong aki ngahthei natna namkhat hi a, ahi zongin ganhing te tungah hihbangdan omngei nailo kici hi.
Related: Ganhing leh ganhing asih uhciang sihvui hunbawl, thunget cihte anei uhdiam
Abeisa kumsung inzong hih Vom ii alei panin Tissue aval pawlkhat ganhing siavuan te’n atkhiat sakngeikhin uhhi. Ahi zongin tuakhitzawh damsiang theilo in, tuabek thamlo damdam in golsemsem hi. Tuaban ah alei pen leilak ah taalkaihgawp kulmawk ahih manin, Hygiene tawhzong kituaklo a, anunung ah England panin ganhing siavuan te’n abawlsak ahihi. Atunga Photo pen alei aki atkhiatsakma leh aki atkhiat sakkhit lahna ahihi. Sawltak #zomidaily
Comment piaknop aomleh...