Kawlgam ah Travel Passport nam 9 in kibawlding

Kawlgam ah Travel Passport nam 9 in kibawlding

Myanmar Citizens te adingin in Kawlgam ah Travel Passport nam 9 in kibawlding cih Ministry of Information te’n a website ah nung Monday (31 October) ni in suahkhia uhhi. Myanmar Passport Board panin atangko khiat uh ci a, Passport nam 9 in kibawlding a, aci amel Color ahihleh nam 3 in kibawlding cihi.

Tralvel Passport nam 9 tepen

• PB – Business Passport;
• PT – Dependent Passport;
• PJ – Job Passport;
• PR – Religious Passport;
• PS – Seaman Passport;
• PE – Student Passport;
• PV – Visit Passport;
• PD – Diplomatic Passport
• PO – Official Passport

cihbangteng ahihi.

Red Passport: Passport aci asan (Red Passport) tepen Myanmar Citizens khempeuh adingin kibawlthei hi.

Blue Passport te ahihleh gam khat leh khat kikal a nasemmi te ahi Diplomats te adingin kibawlsak dinghi.

Green Passport tepen kumpi nasem Governmental Officials te adingin ki bawlsakding cihi.

Kawlgammi Myanmar Citizen khatin Passport abawlnopleh sum Ks25,000 ($25) bek beiding a, ni 10 sungin ki ngahsakding cihi.

Thailand gamsung aom Myanmar Citizen khatin Passport abawlnop leh Kawlgam ah hong ciahphot in abawl kulding a, alak ciangin Yangon, Mawlamyine, Pha-An, Dawe cih khuate khatpeuhpeuh pan latheiding uh cih kiza hi. ZD Sawltak #zomidaily