Kawlgam ah suangkhuk kicim, mi 9 si

Kawlgam ah suangkhuk kicim, mi 9 si

Kawlgam khuakhunglam aom suangmanpha kizonna suangkhuk Jade Mine khat kicim ahih manin mi 9 si cih Kawlgam State Media te in buaina apiankhitzawh aninihni Wednesday ni in pulakkhia uhhi. Adang mi 20 bangzong mangthangciplai ahih manin, Rescuers Team te’n azonsan laitak ci uhhi.

Suangmanpha zongin dumthuk pi 300 bang athuksuk suangkhup sungah atuahsuk laitak un atungpan kicimsuk hi ci’n Myanma Alinn Newspaper in pulak khiahi.

Hih suangkhuk kicipna pen Hpakant khuatawh aki gamla lualo aom gamsungkhat ah hi a, akiim apam ahzong suangkhuk nasem Mining Company tampi omzihziah hi.

Hihbangdan suangkhuk kicim pen Hpakant khuakiim tengah apiang zelzelthei thu hi a, adiakdiak in Mining Companies te ii paihkhiatkhit ahi leilak nenpakawm ah mimal in azongte’n hihbangdan Accident tuakthei zelzel uhhi. January khasung inzong hihbangdan in asihlawh atawmpen mi 2 peuhmah omding cih kiza hi.

Hpakant pen Kawgam ii Jade suangmanpha piangkhiatna phualpi ahih mahbang in nungkum October khasung akibawl Annual Gems Emporium ahzong US Dollar $3.4 Billion man ki zuakkhia hi ci’n Mines Ministry in genkhia hi.

Kumpi theihpihloh ahi illegal in aki zuaksim zong tuazah val manmah phading in ki ummawh hi. Adiakdiak in kumpi theihpihloh in aki zuaksim tepen Sengam lamah kidenpheina pahpah cihi. ZD Sawltak