Kawlgam ah 2017 January khakhatsung bekbek in Rape Case 100 val om

Kawlgam ah 2017 January khakhatsung bekbek in Rape Case 100 val om

Kawlgambup sungah 2017 January khakhatsung bekbek in thagum zawhthawh thutawh akibuan Rape Case 125 om cizen hi. Tualak ah Rape Cases 81 tepen naupang kumcinglo te hisawnsawn cih Police Records om ci’n Irrawaddy te’n genkhia uhhi.

Yangon khuapisung bekbek ahzong Rape Case 25 om a, tualak ah Case 20 tepen naupang kumcingnailo te’n buan athuak hi ci’n State Media in abeisa Wednesday ni in pulakkhia hi.

Irrawaddy Division sungahzong Rape Case 21 ki Report a, tualak ah Case 14 tepen naupang kumcingnailo te ahi uhhi.

Yangon Kyauktada Township sung aom Lawmaker khat ahi Daw Kyi Pyar in agenkhiatna ah hihbangin Rape Case Report tampi aompen mipi te in Sexual Abuse tawh kisai in thu kitheita, Awareness tampi kineita ahihman hiding hi ci’n genkhia hi.

Tuaban ah Rights Groups tuamtuam leh Legal Aid Organizations tuamtuam te’n mipi tawh thusinkhopna tampi kineithei ahih manin, buan athuak te’nzong imcip nawnlo in Police Report akibawlzawta hiding cih genkhia hi. Abeisa in hihbangin tamzawlai hileh kilawm hi.

Tuaban ah nulehpa te’nzong tate thuhilhding, zahmawhtawh kisai ki bawlsiatna Sexual Abuse aomleh bangcihding cihte theihsak huaihi. Thukhenzum inzong Rules and Regulations te zahtak in, adiakdiak in naupang kumcinglo abuante atawmpen kum 20 peuhmah thongkiatsakding hoihhi ci’n Lawmaker Daw Kyi Pyar in genkhia hi. Sawltak #zomidaily