Kamuh, katel, katuahkhak thu ~ Lengtong Pauno

Kamuh, katel, katuahkhak thu ~ Lengtong Pauno

Hpakant, Hpayataung khua ka omlai in, Zomi nungak melhoihkhatin, Khin Aung akici kawl pasalkhat pasalin hongnei hi. No. 4. zuakpa Khin Aung lemtaang (sinpy) mahmah a, khamkhi, khamtau, khambilbah Zolianu’ kungtungah kidim’ hi.

Ko Khin Aung hong zawngkik a, Zolianu hongtol hi. Ahizongin, alupding sialvua, thopuansunga zakaang (no.4.) adiikden apasalin zulhsuahta hi. Anupa uh’n alupma uh’n, thopuan sungah zakaang diikkhawmdenta uhi.

Ta numeinokhat nei uhi. Tua tanu in anulepa’ zakaangdiik’ nuamh nasakpih hi. Nule pa’n zakaang adiikloh nizan in zankhua in cinghlo in kapkap hi. Zakaang kisamh ahi hi.

Keizong kum 4 sung zakaang (no. 4) adiik kahi hi. Zakaang zuakna sai ah, mi 20/30 in zakaang adiikden ahihmanin, tua innsunga innhik (အိမ်မြှောင်) te na ngawnin zakaang na Suai’… uh hiding hiven, tua inn sungah, no. 4 aki zuak nawnlohteh, innhik khempeuh si zihziah uhi. No. 4 kisamh hizen ding uhi.

Notes: Innsungah zunnene, zateepteep aom leh, naungeek suaktungkhat nangawnin “Noptuam pihhi” cih agen hihangh. True story, Munkhai’pa

LIVE: Lengtong Pauno “A Tamzaan Lungtang” Kum 50 cin Album (1962 – 2012)

Khampat No. 1 AA, ka pianna kapa uh Zel Khua Kai nungsanga, nu le naute’ kiang’… ka hawhna uh thu

Pasianin cidam’na hongpiaksak kapa uh Pu Zel Khua Kai tate, pi’nihsuan’ 20. kapha uh hi. Ko’ api masata 11. kapian’ hangun, zi/pasalnei tanei, nuu 4. paa 3. gawm’ 7. bek kadam uhi.Pi 2.na te 9. pha in, 7. damlai uhi. Khampat no. 1. ah teeng uhi.

Kapa uh Zel Khua Kai, apian’kum 1905 in naki ciamteh a, 1987 in hong sihsan ahihmanin, kum 82. sung hong dampih ahi hi.

(Hong dampihlai 1985 kumin ka vahawha, aktui aktak ka vapuak a thupha ka va ngen hi. “Tapa ka neih teh, amin bang phuakding nahiam? pa aw” kacih leh, “Kai Mun Khai” na phuakin hongci ahihmanin, kadotzawh kum 7.cianga kaneih ka tapa, Tedim zatopi sung, Good Friday a piang, Siamahpa Pu Thangkaang’ khutpan a, 1pm a apusuakpa Tg. Kai Mun Khai pen apian’ma kum 7. lai a kiphuakmin ahi hi.)

Ka Upi’pa Cin Go Kap, Thawng Za Kim khitteh numei 4. pasal 1. khitteh kei hipan e. Ka u pasalno pa aneulai a si. Kei le ka Ute nih Kalaymyo ah kimu in, 1988 kumin, Khampat nule naute’ kiang kapai uh hi. Tamluata tu a zah ciphotni. Munkhai’pa