Kalaymyo khuasung ah guihtheih khamtheih tawh akiman tammahmah

Kalaymyo khuasung ah guihtheih khamtheih tawh akiman tammahmah

Myanmar, Sagaing, Kalaymyo (Kawlpi) khuasung ah guihtheih khamtheih “Drug” akiman pen abeisa kha te sangin July khasungin tammahmah cih DVB pan kiza hi.

Kalaymyo Police Station panin thunei khatin agenkhiatna ah July khasung in guihtheih khamtheih akimankhia pen tammahmah hi. July 20 ni ciangciang akimanpen Case 20 bang phakhinta a, Average nikhat Case khatta hiliang hi. Abeisa kha te hileh khakhatsung in Average Case 10 khawngbek ahihi ci’n genkhia hi.

Kalay Myone sungteng ah guihtheih khamtheih akankhia Police te leh kumpi thunei tuamtuamte kipawlkhawm in akimankhia ahihi. Tuabangin guihtheih khamtheih akiman te lakah bengvom (zavom) pen Case khatbek om a, tualo adangte pen bengkang (zakang) leh zatang cih Case te tampen cihi.

Kalaymyo khuasung aom U Khin Maung Myint in agenkhiatna ah pawlkhatin thukhun kilaih hi, hongki matkhak hangin bangmah lauhuai lualo cihtawh asemgawp omhi. Ataktak in hongki matkhak nakleh thukhunzui in khutsung ah kepkhakna cihtawh thongsung akidentheihna ahihlam kuaman phawkkhalo uhhi. Tulam ciangin beng (zavom, zakang) sangin zatang azang tamzawta hi ci’n genkhia hi.

More: Kalaymyo ah Pasian nasem Pastor khat numei buanvai tawh thu kibawl

2018 kumsung July 01 panin July 20 kikal bekbek ni 20 sungin Kalaymyo huamsung ah guihtheih khamtheih tawh akiman Case 20 phata hi. Akiman te lakah pasal 34 leh numei 3 hi uh a, numei khatleh pasalkhat ki taisuah cih kiza hi. Akiman tepen thukhun ombangin thu kibawlding uhhi. Sawltak #zomidaily