Kalay kuamsung meekuang luidingvai holimna

Kalay kuamsung meekuang luidingvai holimna

Tuni tak 6:00 PM hun in Kalaymyo kuam meekuang luiding vaitawh kisai holimna Pu Cin Sian Thang inn ah ZYA pan makaite hong kisap na zui in kihel thei in thukhen tatnate a nuaia bangin ki nei thei hi.

Kalaymyo kuam pan Zomite in 2020 gambup kitelna ah ih mee piak ziading tawh kisai in party enlo in ih minam et ding cih ahi hi.

ZCD CEC pan a khentat ahi Ethnic Affair a luiding Pu Kap Khan Khual in Kalaymyo kuam a mimal mintawh Ethnic Affair a luiding Pu Vum Za Nang tawh lui khawm hileng meetang kikhen kham mangding ahih manin ih nih a ngahlo a om sang ken mai term ah hong kithawi ning ci in Minam itna lainatna tawh kidem khop ding sang kei mimal kizawhna tawh le Zomi itna lainatna tawh hong awn ning ci hi.

Tua ahih manin Saggaing Region huam sung a om Zomite in a nuaia meekuang luiding te minam ahi Zomi itna lainatna tawh mee (vote) ih piak ciat ding in kizasak hihang.

• 1. Chin Ethic Affair pan – Pu Vum Za Nang ( Mimal Tangdin)
• 2. Saggaing Region 2 pan – Pu Kam Lam Khup (ZCD Party)
• 3. Pyituh Lotdaw pan – Pu Khai Deih Tuang (USDP Party)

Thu kikupna ah kihel thei teng,

• – Pu Vum Za Nang
• – Pu Kam Lam Khup
• – Pu Khai Deih Tuang
• – Pu Kap Khan Khual
• – ZCD Kalay Committee
• – ZYA Makai alem thei teng
• – Observers pawlkhat – ZYA HQ, Kalaymyo, July 29, 2020

More: Kei hilengzong piakeining, Nang hi le cinzong napia diam? ~ Vum Za Nang

July 27, 2020 ni ZCD in kiteelna kidem ding tangkona na nei a, Sagaing Region, Kalay Township, Chin Ethnic Affairs adem ding candidate Pu Kap Khan Khual in Mee(vote) tang ki khenkham loh nading in deihna tawh (Mimal tangdin) Pu Vum Za Nang awn hi, cih thu ZYA HQ page tungtawnin kiza hi. The Tedim Post