Ka tuakkhak thu ~ Lengtong Pauno

Ka tuakkhak thu ~ Lengtong Pauno

1985 lai in, Manipur state, Singngat sub…, Lungthul D. khua ah hong kisam ahihmanin kei guakbek mah ka vahawh hi. Lungthul akici khua3 om a, asatmasa pen, Tedim, Valvum khuami Pu En Khua Vungh hi, ci uh hi.

Khua3 lakah khuaneu pen, Lungthul D. khua a innhoihpen leh alianpen sikkang singinn khatah hong zintungsak uhi.

Nitak zankhuamial ciangin ka zintun’na innah, khuazangbup aneu alian, avok a ak lodeuh, auiteng uhtawh hong kikhawm uhi. YPA Lungthul D. khuazangbup Petromax (meisopi) hongvaak uhi.

Khuazangbupin theihnop telnop dotnop ngetnop thulela, leitungthu vangtungthu dotnop khempeuh dongdinga hong kikhawm uh himawk ahihmanin, Pasian kiangah nakpi takin lungsim thungetna kanei hi.

Innteekte’ tapa U penin: “Pu Lengtong Pauno aw, keipen kazi tawh kaki ngaihcila kipanin kanaute kanulepa te’n hong awi vetlo uhi. Ko lah kikhen zawhngap vetlo kahihmanun, ka lawmnu inzong, nulepa leh naute’n bangbang hongci zongin thuak leldingin kizo mahmah ing. Hong thahlupliang lohding ut hang. Apiangbangbang nawkkhawm dingin kiteeng ni maw U, hongcih ciangin ka ciahkhawm maita uhi.

Kazi inzong asiam theihtawpin nulepa, naute maibiakbiak taleh, hong mudahsak tektek mawk uhi. Kazi hehpihhuai kasakluat mahmah teh, ong tuaci simmawh sakliang samkei vevua, keimah na Upa’zi hisam hiven, kacih leh, ka nau nu’n, Lengtong Pauno’ laphuah theilo maw.

Video: Meitei gun kangta ~ Lengtong Pauno (Kap Tung’ tangthu)

https://www.youtube.com/watch?v=9Wl7exRpdxg

Nazi hangin natate’ hangin sanggam nulepa mudah ke’n. Zileta ki zongthei a, sanggam nulepa ki zongtheilo, aci veleh… hongci vatvat keeimawk uh in, mailam bangci kalsuan ding kahiam? Theizo nawnkeng ei’ Sia aw” ci in khituiluang kawmin honggen ngeungeu mawk hi.

Ke’nzong ka dawnkik napakding haksa sakawmin: “Awww, amauteng ading la dawngkhat phuahbeh laiding kisam aive maw.” Nulepa adingin, “Natapa na it leh azi it in, na tanu ahi hi” leh, na naute’ adingin, “Na U pa na it uleh, azi it uh’n, na U nu uh ahi hi cih la dawngkhat phuaklaini ei. Topa’n na nupa uh’n, thuakzawh hatna hongpia hen” cipong kai’ve leh.

Ka lungdam, Munkhai’pa