Ka piansaksa nate it in kakeem hi ~ Hau Thang

Pasian Kammal 20:3 Ka piansaksa nate it in kakeem hi ~ Hau Thang

Thupatna: Nasep na gimlua hiam? Gam vai Minam vai in na lungsim a kinok lua kha hiam? Khatvei hun thak la kik in Vanglian Pasian hoihna lung ngai kik dih ni. Na ih mu thei tuam ding hi. Na tawl nate dam tuam ding hi. Hih leitung in tawm vei kumza khat nungta lo ding mihing kitam zaw te lung gim kiguat na gam no khat hi cih ngaih sut sa in koih in la nang le kei hong bawlpa Pasian hoihna natung ah bangteng om hiam? cih lungsim khing dide in ngaisung phot in. Pasian hoihna na Kha siangtho in hong lawn khak ciang Pasian hoihna na tung ah hong kilang ding ahihi.

Amanpha Pasian bawl nate tuamtuam te:

Mihing te in nisim i nuntakna ah’ nisim hunsim in thupiang alamdang tampi aom den hi. Ahizong in Pasian bawlna te a lamdang ahih zawkna ki ngaihsun kha ngeilo hi. Leitung mihing khempeuh Pasian hong bawl hong piansak ahih lam kithei hi napi haangin Pasian tungah Lungdam koh ding hunpiak ding haksa mahmah kisa hi.

1. Izat ding leitangh:

Pasian bawl sa nate i et ciang in man neilo leikul loh nisim kizang hi. Mihing te in leitang tung leh mun le gam kituh in kithat kilai kido thei hang a, mun neu nono tampi pi in ilei izuak hi. Ahih hang Pasian in leitang abawl pa hi a, Mihing te tung ah bawlna tha man hong la hetlo in hong teeng sak hongzang sak hihiat Pasian i nei hi.

2. Idawn ding Tui

Nisim in idawn ding tui te kilei in sum tampipi kipia hita mah leh Tui bawl siam thei pa in Tuibawl man mihing te tungah hong la hetlo in Mihing te in i deih bangbang in tui kizang hi. Tui thawl khat in $ peek khat man hi leh Vantung pan in hong paina mel kitheilo meiilum sungpan hong luangkhia Vantui te in Ei te ci’insa anno ankung te ading leh nungta te ading in manpiak kul loh in Pasian in hong huh hi. Pasian hongbawl sa mite ihihi. Tua man in hong keem hi. Pasian Minthang ta hen!

3. Khuavaak:

Nisim in nazat khuavak te mannei lobang nasak leh Khua hongzin kikteh aman neihna meivak akulna leh Khuavak aman phatna te sum tawh leikul zah dong in innsung ah kikhua sa hi. Mikhat in zansung meizat pen Kha cin teh sum tampi tung thei hi na pin’ Leitung ah Mihing tampi hizahta in khuava zang in alum ngah theihna ding nitaangtha Pasian in aman ngenlo in hong piak tuni ciangciang Hih khuavak ahang in Pasian tungah lungdam ako mi kitawm mahmah hi.

Hih leitung ah mihing te:

Hih leitungah mihing te ahih leh kithat kido, ki-el, kiphunsan, kihua ki mudah, Ki lang bawl, ki ensan Ki simmawh atha hat zawzaw in sim mawhna tawh kidim na mun tam pi aom ahihi. Hite in Abawl Pasian phawk im hileh kimuhdah na ding kithah kido nading ki huatna ding in Pasian hongpiak khong Leitangh, Huih siang tho, Khuavaak leh Tui te alamdangtak in kisia in Huih te gusuak in Tuite gusuak in, Khuavak te abei sak theihna Khuamial pi sung ki om kha in Tuihual khang in Mualpi nasiatak in kitamm khamh in Meimual kitamm hen la huih pite khauh tak in anung hun ciang in Pasian hoih mikhempeuh in thei pan zel uh hi.

More: Pau Cin Hau Biakna (Laipian hong piankhiatna)

Ahizong in hidan Leiipi, Tuipi, Huihpi te tawntung in Pasian in piangsak lo in azatzia ahoih bek in ding koih tawngtungzaw ahih man in Pasian in abawlna nate zatsiam na ding keem bit tawng tung ahihi. Huihsia, Guahsia , Leiitangh kisia te aliim in alah na bek in koih hi. Hih te a piangsak thei leh adaai kik sak thei pa atawngtung in phat huai pahtak huai hongsiam Zomi te Pasian eite Pasian i nei hi.

Thukhupna:

Pasian in abawlsa nate it in keem ahih man in Hong itna hang Pasian apahtawi te ihhih tawntung ding thupi mahmah ahihi. Pasian in natung ah lungnop khamuan na hongnoo suahsak den ta hen! Hau Thang